१४०० दँ पुलाँगु येंगाया ल्वँहहितियात पुनरजीवित यात

 

११३८ गुँला थ्वः द्वादशी/येँ

लिच्छवीकालिन १४०० दँ पुलाँगु येंगाया ल्वँहहिति वंगु गुँलाथ्व दशमी कुन्हु  पुनरजीवित याःगु दु । येँ महानगर पालिकाया उपमेयर हरिप्रभा खड्गी श्रेष्ठया पहलय् व Save Nepal Vally ,नेपाली स्थानीय क्लब व अन्य सामाजिक संस्थालिसेंया मंकाः कुतलय् थुकथंया ज्या याःगु खः । लोप जुइगु अवस्थाय् दुगु येँ महानगर पालिका वडा न २१ अवस्थित येंगालय् च्वंगु उगु ल्वँहहिति वंगु सोमबार सुचुकुचु यासें संरक्षणया ज्या न्ह्याकुगु खः ।

उपत्यकायात ब्यवस्थित सहरया परिकल्पना यासें म्हैपीयात खड्गया छ्य‌ं व हालया येँगाः त्वाःयात खड्गया क्वय्या ब्वःया रुपय् मानेयानाः नगर रक्षार्थ च्याम्ह अष्टमात्रिका विराजमान यानाः गुणकमदेवं येँ नगर दयेकुगु इलय् छगू गाः खनाः विधिपूर्वक उत्घाटन याःगु किम्बदन्ती दु ।
एेतिहासिक सम्पदाया संरक्षण यायेगु दायित्व महानगर पालिकाया जुगु कारणं थुकिया नितिं माःगु सम्पूर्ण व्यवस्थाय् दक्वं गुहालि यायेगु प्रतिबद्धता उपमयेर खड्गीं ब्यक्त याःगु दु ।

चन्द्र शमशेरया वंशजपिन्सं थःगु कम्पाउन्द दुने लाकाः अतिक्रमण याना तःगु उगु ल्वँहहितियात ताः र्इ लिपा २०६४ सालय् नेकपा माओबादीं उत्खननयानाः खुल्ला याःगु खः । संरक्षणया अभावय् ल्हानाच्वंगु उगु ल्वँहहितिया पुनः सफाई याना संरक्षण यानागु Save Nepal Vally Nepal या संयोजक सुरज महर्जन धाःगु दु ।

बौद्ध,शैब ,हिन्दु संयोजन तीर्थ स्थलया रुपय् निर्मित उगु ल्वँहहिति लिच्छवीकालिन इलय् गयाशुद्धीन तुग्लुक मुसलमानया आक्रमणय् मूर्तिइ गनं गनं क्षति तकं जुयाच्वंगु अवस्थाय् दुगु खःसां नरेन्द्र देवया राज्य कालय् हालया बुढानिलकण्ठ बिष्णुया मूर्ति थुगु हे थासय् दुगु सम्बन्धय् निगू सिलालेखय् उल्लेख जुयाच्वंगु स्पष्ट जुगुलिं धार्मिक पर्येटकया रुपय् संरक्षण यायेमाःगु खँय् निगू मत मदु ।

गौतम बुद्धया सन्तति कोलिय बंश (शाक्य ,बज्राचार्य ) या उदगम स्थल जूगु कारणं प्रशासनिक केन्द्रया रुपय् थुगु थाय्यात प्राचीन नां दक्षिण कोलियग्राम तयातःगु शिलालेखय् उल्लेख जुयाच्वंगु दु ।

बुखँ व किपाः शरण बुद्ध

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.