हिदान उचित व्यवस्थापनया माग – डा. भगवान काेइराला

११३८ बछलागा  द्वतीया/येँ

डा. भगवान कोइरालां “नेपालय् हिदान याइपिं यक्व दयानं उचित व्यवस्थापनया कमि कमजोरीं हि उपलब्ध मजुयाः बिरामीयात बिइमाःगु सेवा बिइमफइबलय्या पिडायात लुमंकाः ब्लड बैंकं धइगु पार्ट टाइम बिइगु सर्भिस थें मखु होल टाइमर थें जुयाः ब्लड यागु माग जुइवं हे बिरामीयात उघ्रिमय् हे उपलब्ध याके फयेमाःगु व्यवस्थाया माग” वंगु सोमबाः राष्ट्रिय सभागृहस जूगु रक्तदाता समाजया स्वक्वःगु महाधिवेशनय् नुगः खँ तय्गु झ्वलय् धयादिल ।

किपाः राजेन्द्र र‌ंजित

रक्तदातापिन्सं नसें मनसें दान याःगु हिया सही उपयोग मजुसें करिब ४० प्रतिशत हि सितिं वना च्वंगु व रक्तदातापिन्सं थःगु हि निस्वार्थं रुपं मनूया ज्यान बचय् यायेत ब्यूगु तर सरकारी निकायं हिया नितिं मखु उगुंथुगुंं शिर्षकय् दातापाखें सितिकं ब्यूगु हियानं शुल्क कायेगु ज्याय् आपत्ति प्वंकुसे यदि सरकारं निशुल्क व्यवस्था याये हे मफुगु खःसा थुकिया व्यवस्थान रक्तदातापाखें हे यायेगु खँ समाजया नायः प्रेम सागर कर्माचार्यं स्पष्ट यानादलि ।

किपाः राजेन्द्र र‌ंजित

‘म्ह्वतिं छखा छेँ छम्ह स्वयम्सेवी रक्तदाता अभियानय् ब्वति कायेनु’ धैगु नारायात बः बिउगृु दु । उगु ज्याझ्वलय् ‘स्वस्थ्य हि ः सकसिगु नितिं’ धैगु नारा न्ह्यब्वसे हि नाप स्वपू दुगु ‘‘हाम्रो रगत’’ नांगु विशेषाङ्क सफू पितब्वज्या नं जूगु खः ।

किपाः राजेन्द्र र‌ंजित
किपाः राजेन्द्र र‌ंजित

बुखँ÷किपा  राजेन्द्र रञ्जित

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.