हाेलीया उत्सवय् कलाकार मानकृष्ण वावा यात गुहाली

११३८ चिल्लागा पारु/येँ

झीगु संवाददाता

होली छगू सदभावया नखः खः, आत्मियताया नखः खः, भाइचाराया नखः खः । थवंथवय् दयाच्वंगु रीस, राग घृणा व वैमनश्यतायात हुयाः जीवनया थी थी ईयात ल्वाकछ्याये सयेकल धाःसा जीवन नं सप्तरंगी समान झः झः धाइ धैगु सन्देशया खँ म्हिगः एम्स इन्टरटेंटमेन्टया ग्वसालय् होलीया अवसरय् सांगितिक ज्याझ्वलय् थ्व खँ सार्थकता काःगु दु ।

किपा साभार फेसबुक

नेपालभाषाया कालाकारिता ख्यलय् थःगु जीवन पानाः सतिका च्वनादीम्ह कलाकःमि स्वतन्त्र संसार महर्जनजुं कलाख्यःयात गुहाली यायेगु मनंतुना नीस्वना तःगु थुगु संस्थां म्हिगः उगु सांगितिक अवसरय् मेपिं कलाकारपाखें आर्थिक सहयोग म्हयाः कलाकार मात्र संकिपाख्यलय् जक मखु धात्थें न‌ं जीवनय् बांलागु ज्याय् नुगः क्वसापिं जुइफु धैगु खँ दसू कथ‌ं ब्वयादील ।

मानकृष्ण वावा । किपा साभार फेसबुक

कलाकार मानकृष्ण वावा नुगःचुया ल्वचं कयाच्वंगु व वय्कःयात गुहाली जुइकथं थःपिन्सं फूचाःगु गुहाली यायेमाः धैगु मनसुवालं अन झायादिपिं कलाकारपाखें ध्यबा म्हया मुक्कं झिंन्ह्यद्वः तका वयकःयात लःल्हात । म्हिगःया सांगितिक ज्याझ्वलय् अन झायादीपिं अापालं संगीतप्रेमी कलाकारपिन्स म्ये न्यंकादीगु खः ।

ज्याक महर्जन । किपा साभार फेसबुक

श्रीकाली फैमिली रिर्सोटय् होली एम्स म्युजिक पिकनिक २०१८ स मुक्कं ११० सिनं ब्वति काःगु खः । थः नं छम्ह कलाकार जूगु नातां आपतविपत जुइगु इलय् कलाकारं कलाकारयात गुहाली यायेमाः धैगु बिचाः दुम्ह स्वतन्त्र संसारं म्हिगः अन झाया सांगितिक रुपं अबीरया नखः न्ह्यइःपुक हनेत झायादीपिं व आर्थिक रुपं गुहाली याना दीपिन्त थःगु फेसबुकया स्टाय्टस पाखें सुभाय् देछाया दीगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.