हल्चोकया श्री आकाश भैरवया ख्वाःपाः लँपु छायेत यंकल


११३८ ञँला थ्वः दितीया /येँ

झीगु सम्वाददाता 

दँय्दसं येँयाःया नितिं स्वयम्भु लिउनेया हल्चोकया श्री आकाश भैरव, श्री कुमार व श्री चण्डीया ख्वाःपाःयात आगं छेँय् पुजा यानाः लँपु छायेगु नितिं म्हिगः मासंगाःया पुँया छेँ यंकल ।

किपाः श्री हल्चाेक अाकाश भैरव

थथे ख्वाःपाःयात पुँया छेँय् यंके न्ह्यः हल्चोकया आगं छेँ ख्वाःपाःयात पुजा याये धुंकाः छगः पिचाय् दुने तयाः पिनं ह्याउँगु कापतं भुनाः न्वलय् चिना, ब्वलय् कुबिया पुँया छेँय् यंकेमाःगु परम्परा खः ।

व हे ख्वाःपाःयात शुद्धचित्तं भिंकेमाःथाय् भिंकाःलि रंगतयेगु याइ । गुकियात लँपु छायेगु धाइ । लँपु छाये सिधलकी पुँ पाखे‌ं नं पुजा यायेमाः । अले  भाद्र शुक्ल एकादशीया दिनस गुथियारपिं वया हाकनं अथे हे याना दक्वं ख्वाःपाःयात पिचाय् स्वथनाः हल्चोकया आगं छेँय् यंकिइ । थथे ख्वाःपाःया अागं छेँय् हये धु‌ंकाः  बहनी सकलें गुथियारपिं नापं च्वना पुजायाना समय बजि प्रसादया कथं नयेगु परम्परा दु ।

किपाः श्री हल्चाेक अाकाश भैरव

 

किपाः श्री हल्चाेक अाकाश भैरव

येँयाःया नितिं १० न्हू न्ह्यः हे प्याखं स्यनेगु व बाजं थाय्गु अभ्यास नं याइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.