हलिन्यंकं चर्चाय् वयाच्वंम्ह म्येहालामि दिपक बज्राचार्यया मन मगन म्येयात १ गू कराेड भ्युज

झी नेवाःत थःगु संस्कार, धर्म, तजिलजिया तःमि ला खः हे खत अथे हे नयेत्वनेगुलिइ लिसें जात्रापात्राय् नं न्ह्यःने हे लाः । थ्व दक्वंलिसें थन न्ह्यथने बहःगु खँ छु धाःसां अनेक ज्याखँ तःमिपिं झी नेवाः पुर्खा बाजागाजा थायेगु, भजन संगीत व म्ये हालेगुलिइ नं न्ह्यःने हे लागुलिइ शंका मदु ।

व हे झ्वलय् विक्रम संवत २०७५ साल बैशाखया न्हूदँया लसताय् युवा म्ये हालामि दिपक बज्राचार्यया पुचः पाखें छपू म्ये सार्वजनिक यानादीगु खः ” मन मगन “ । गुगु म्ये नेपालीभाषाया खयानं उकिइ बाजं व दृश्य मुक्कं नेवाः नखःचखः व जात्राया लुया लिसें नेपाःया अन्य गैह्र नेवाःतय्गु संस्कृतियात उत्थान याये कथं न्ह्यब्वःया तःगु खः । नेपाःया विविध सांस्कृतिक झाँकीयात न्ह्यब्वःगु कारणं हे उगु म्ये हलिमय् सामाजिक सञ्जालपाखें याकनं हे बय्बय् जुगु खः ।

वय्कः नेवाः खयानं यक्वः नेवाः म्ये हालिगु धलखय् शायद लिउने लाःगु अवश्य खयेफु तर अथे खयानं वय्कःया नां वय्कलं हालातःगु म्ये थौंकन्हे नेवाःतय् दथुइ जक मखसें गैर नेवाः व हलिंन्यंकया संगीतप्रेमीया न्ह्यःने बय्बय् जुयाच्वंगु दु ।

सुं नं म्ये हालामि थथे छक्वलं हलिंमय् बय्बय् जुइ अपुगु खँ मखु । उलिमछिं म्ये हालिपिनिगु दथुइ वय्कः ताः ई लिपा सञ्चार ख्यःया लिसें सकसिगु नुगलय् थाय् कायेत सफल जुल । अथे छाय् जुल ले धइगु न्ह्यसःया लिसः खः वय्कलं हालादिगु नेपाली म्ये  “कसले देला धन मलाई कसले देला भन … म त आफैंमा मनमगन “

लिपांगु इलय् देस व विदेस दक्वन्यंक नं चर्चा वयाच्वंम्ह म्येहालामि दिपक बज्राचार्यया व हे  ‘मन मगन’ युट्युबय् करोड क्लबया दुथ्याय्धुंकूगु दु । नेवाः बाजंयात यक्वः थाय् बियातःगु उगु म्ये नकतिनी जक करोड क्लबय् दुथ्याःगु खः ।

हलिमय हे तसकं ययेकूगु म्येय् युट्युबय् रिजिल जूगु करिब ७ महिना धुंकाः १ करोड सिवें अप्वः स्वयेधुंकूगु थुगु म्ये ८८ हजार लाइक कायेत सफल जूगु दु । म्येयात ५७ सय ३२ कमेन्ट व ४ हजार डिस्लाइक्स बियातःगु दु ।

दिपक बज्राचार्यया सलय् रिकी शाक्यया खँग्वः व लय् दिपक व रिक्कीया कुतलय् अले संगीत संयोजनय् रिदम ब्याण्डं तयार याःगु थुगु मनमगन थौं देय् न्यंकंया मनूतय्गु नितिं न्यनेबहःगु व स्वयेबहःगु म्ये जुया ब्यूगु दु । नेवाः धिमे बाजंया तालया पृष्ठभुमिइ तयाः परम्परागत बाजंत गथे कि मगःखिं, सारंगी आदि बाजं थुकिइ दुथ्याकुगु दु ।

चेरिसा बज्राचार्यया अवधारणायात मूर्त रुप बिइगु भाला सुव्रतराज आर्चायं कयादीगु खः । थ्यंमथ्यं १५० म्ह कलाकार अले नृत्य पुचलं परम्परागत, आधुनिक शैलीया हुलाप्याखंया फ्यूजन यानाः थुकिइ आजुगणनिसें स्वनिगःया लाखे प्याखँ, ख्वपया घिन्तांग किसि, येँयाबलय्या पुलुकिसि, व जात्रां पिकाइगु धुँन्या,स्वनिगःया परम्परागत धिमेप्याखं, अत्याधुनिक हिपहप, सुदुपश्चिमया तराइलय् हुलीगु छलिया प्याखं, पहाडया झ्याउरे, ताम्सलिंग, लिम्बुवानया झाँक्री प्याखंयात दुथ्याका मनमगनया म्यूजिक भिडियो नं तयार याःगु खः ।

मन मगन स्वयेत क्वय् क्लिक यानादिसँ ।

 

नेपालभाषा‌ं हालादीगु मन मगन 

 

हिन्दि भाषा‌ं हालादीगु मन मगन 

झीगु डट कम

झीगु नितिं झीगु सञ्चार

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.