हलिंन्यंक विश्व रेडियो दिवस हनाच्वन

११३८ सिल्लागा त्रयोदशी/येँ

थौं फेब्रुअरी १३, हलिंन्यंक विश्व रेडियो दिवस हनाच्वंगु दु । थुगुसी ‘विपदया इलय् रेडियोया भूमिका’ धइगु नारालिसें हलिंन्यंक रेडियो दिवस हनाच्वंगु खः ।

हलिंन्यंक थीथी ज्याझ्वः यासें रेडियो दिवस हनाच्वंगु दु । नेपालय् नं थ्व हे लसताय् थीथी ज्याझ्वः जुयाच्वंगु दु ।

संयुक्त राष्ट्रसंघया आह्वानय् सन् २०१२निसें विश्व रेडियो दिवस हनेगु न्ह्याःगु खः । स्पेनया प्रस्तावय् २०११ नोभेम्बर ३ कुन्हु च्वंगु युनेस्कोया ३६क्वःगु सम्मेलनं हरेक दँया फेब्रुअरी १३या दिनयात विश्व रेडियो दिवस कथं हनेगु घोषणा याःगु खः ।

नेपालय् बिक्रम सम्बत २००३ सालय् येँय् रेडियोया प्रशारण जूगु खःसां औपचारिक रुपं धाःसा २००७ मंसिर २८ गतेनिसें प्रजातन्त्र रेडियोया नामं रेडियो न्ह्याःगु खः ।

नेपालय् एफ एम रेडियोया प्रसारण २०५२ सालय् न्ह्याःगु खः । वर्तमान इलय् नेपालय् देय्‌न्यंक दक्व हे जिल्लाय् एफएम रेडियो स्थापना जुइधुंकल ।

हलिमय् न्हापांगु व्यवसायीक रेडियो प्रशारण न्ह्याःगु धाःसा ९४दँ दय्‌धुंकल ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.