स्व‌ंगू सम्मान स्वम्ह व्यक्तित्वयात लिसें सफू पित ब्वज्या

११३८ बछलागा  षष्ठी/ख्वप

नेपाल साहित्य मन्दिरया ६५ क्वःगु बुदिंया लसताय् मन्दिरया ग्वसालय् शनिवाः ख्वपय्  सफू पितब्वज्या, हना व सिरपाः लःल्हायेगु  ज्याझ्वः क्वचाःगु दु ।

उगु ज्याझ्वलय् वाङ्मय शताब्दी पुरुष सत्यमोहन जोशी व नेपालभाषा एकेडेमीया चान्सलर चित्तरञ्जन नेपालीं भवानी जोशीया नेपालभाषा व खस भाय्या चिनाखँ मुना ‘आव्हान/इनाप’ पितब्वज्या याना दीगु खः ।

किपाः राजेन्द्र रंजित

नापं आर. बी. जोशी फाउण्डेशन प्राज्ञ सम्मान ११३८ वाङ्मय शताब्दी पुरुष सत्यमोहन जोशीयात, झिंनिक्वःगु जरि मैयाँ साखः लुमन्ति सिरपाः ११३८ साहित्यकार कृष्णदेवी बज्राचार्ययात व न्हापांगु कुमार साखः लुमन्ति हःपाः सिरपाः ११३८ साहित्यकार अगिब बनेपालीयात लःल्हाःगु दु ।

किपाः राजेन्द्र रंजित

तिलक प्रकाश कायस्थया नायःसुइ हरिशरण राजोपाध्यायनं न्ह्याकूगु ज्याझ्वलय् रामेश्वर श्रेष्ठं लसकुस न्वचू तयादीगु खःसा वरिष्ठ साहित्यकार तेजेश्वर बाबु ग्वंगः, रमापति राज शर्मा, सम्मान्नित व्यक्ति वाङ्मय शताब्दी पुरुष सत्यमोहन जोशी, सिरपाः कयादीपिं अगिब बनेपाली, कृष्ण देवी बज्राचार्य, च्वमि भवानी जोशीपिन्सं नुगः खँ तयेगु नापनापं साहित्यकार पशुपतिमान प्रधानं सुभाय् देछानादीगु खः ।

किपाः राजेन्द्र रंजित
किपाः राजेन्द्र रंजित
किपाः राजेन्द्र रंजित

बुखँः  नेवाः सूचना केन्द्र

किपाः राजेन्द्र रञ्जित

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.