स्वीडेनं नं भीएआर प्रविधिया फाइदा काल

११३८ तछला थ्व पष्ठी

म्हिगः जुगु न्हापांगु कासाय् स्वीडेनं दक्षिण कोरियायात १–० गोलं बुकूगु दु । अथेला स्वीडेन दक्षिण कोरियानाप लगातार ५गू कासाय् त्याना वःगु खः । थुगु कासाय् नं भी.ए.आर. (भिडियो एसिस्टेन्ट रेफ्री) प्रविधि स्वीडेनयात ग्वाहालि यात । ६५ अाैं मिनेटय् चूलागु पेनाल्टीयात स्वीडेनया कप्तान आन्द्रिएस ग्रान्क्वेभेस्टं पेनाल्टि पाखें गोल याःगु खः ।

किपा गुगल

निगूगु कासाय् बांलाःगु टिम कथं नाला तःगु बेल्जीयमं थुगुसितिनि डेब्यू यागु टिम पनामायात ३–० गोलं बुकुसें बेल्जियमं थःगु न्हापांगु कासा त्याकुगु दु । दिपा न्ह्यःतक बराबर जुयाच्वंगु खः, दिपा लिपा ४७ औं, ६० अाैं व ७५ औं मिनेटय् ३गू गोल याःगु खः ।

किपा गुगल

अथेहें स्वंगूगु कासाः अन्तर्गत चान्हय् जुगु कासाय् वर्ल्डकप  २०१८ या छम्ह दाबेदार इंग्ल्याण्डं ट्युनिसियायात २–१ गोलं बुकुगु दु । इंग्ल्याण्डया नितिं निगूलिं गोल कप्तान ह्यारी केनं याःगु खःसा ३५ औं मिनेट छगू गोल ट्युनिसिया पाखें जुगु खः ।

किपा गुगल

थौंया कासा कोलम्बिया व जापान (५ः४५ ताःइलय्), पोल्याण्ड व सेनेगल (८ः४५ ताःइलय्) व आयोजक रसिया व ट्युनिसिया (११ः४५ ताःइलय्) दथुइ जुइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.