सोनी राजभण्डारीया न्हूगु नेवाः म्येया भिज्यूल उलेज्या

 

ने सं ११३८ कौलागा द्वादशी, येँ ।

रेखा शाक्य

ई ल्वहं मचा लयपौया सम्पादक दर्शन वीर शाक्यया च्वसां पिज्वःगु “लुमन्ति छंगु वइगु इलय्” नेवाः म्ये ज्वना म्ये हालामि मय्जु सोनी राजभण्डारी थ्यंमथ्यं झिंखुदँ लिपा हाकनं संगीतया ख्यलय् पलाः न्ह्याक झाःगु दु ।

किपाः शरण डंगाेल

थुगु म्येय् लय् व बाजं ग्वसाः जुगल डंगोलया खःसा थुगु म्येया भिज्यूलया डाइरेक्टर नां जाःम्ह नेपालभाषाया प्याखँम्वः सुरज महर्जन खः । थुगु म्येय् रजनी खड्गी व दिपेन्द्र सिंह थकुरीं अभिनय यानादिगु दु । क्यामेरा भाइकाजी नयन व भिडियाे एडिट विपिन महर्जनजु्ं यानादिगु खः ।

किपाः शरण डंगाेल

“पहाड पुला वये माःसां खुसि छिना वयेमाःसां वये जि छन्थाय् वया च्वने” थ्व लिधँसा नेवाः एल्बमय् दुथ्यागु छपू लोकंह्वागु ज्वः म्येया बोल खः । सुरेश प्रधान व सोनी राजभण्डारीया सलं थ्वया च्वंगु उगु हिन्दी संकिपा म्येया सवालं जाःगु म्ये झी आपासित लुमंनी हे जुइ । थौं उम्ह हे मिसा म्येहालामिया याकः सलय् छपू न्हूगु म्यें हाकनं झी नेवाःम्ये ह्यमिपिन्त स्वन्ति व क्यनेत्यंगु न्हूदँ ११३९ या लसताय् दोहलपा कथं ज्वना वयागु खँ राजभण्डारीजुं धयादिल ।

किपाः शरण डंगाेल

न्हापांनिसें म्ये हालेगु यःम्ह मय्जुं थःगु इहिपा धुंकाः म्ये हालेगुलि दिपा कयागु खःसा आः हाकनं वय्कया श्रीमानया हपालं यानाः पलाः न्ह्याक वयागु खँ पत्रकारपिनिगु न्ह्यसःया लिसः बिइगु झ्वलय् कनादिल । नापं न्हापा न्हापा म्ये धयागु न्यनेगु जक खः धइगु धारणाय् आः समाजयालिसें मनोरञ्जनया ख्यलय् नं हिउपाः वःगुयात स्वीकार यानाः थुगु म्येया भिज्यूल दयेकागु धयादिल ।

https://www.facebook.com/rajendra.manandhar.7906

किपाः शरण डंगाेल

अथेहे संगीतकार डंगोलजुं म्येहालामिया सःयात स्वया हे म्येय्या लय् तयागु धयादिलसा डाइरेक्टर महर्जनजुं नेवाः म्येयात न्हापा थें पुलांगु पहलं जक न्ह्यमब्वसें थौंया आधुनिक ईयात व स्वकुमिपिनिगु इच्छायात नाला कासें थुकिइ म्येया बोल कथं आधुनिकतां भय्बिइका वसः थाय् आदियात नं छ्यलागु धयादिल ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.