सेखं–मुसु वःगुया घरेलु उपचार


मौसमय् ह्यूपा वलकि भाइलर ज्वर, सेखं चाइगु अले मुसु वइगु धइगु नर्मल थें हे जुइ धुंकल । सेखं, मुसु वइगु, म्ह व छ्यं स्याइगुलिं झीगु हालत खराव जुइगु याइ । तुरुन्त लायेकेत ला झीसं मेडिकल वासः नयेगु याइ । तर, थुकिं झीगु शरीरय् साइड इफेक्ट नं याना च्वनि । साइड इफेक्टपाखें तापाक्क च्वनेत मुसु व सेखं ल्वय्या उपचार घरेलु विधि नं याये फइ ।

१. हलु

छगू गिलास क्वागु दुरुइ छगू चम्मा हलु ल्वाकाछ्याना त्वनेगु यात धाःसा सेखं चाःगु लंके फइ । अथे हे गंगु हलु छ्वयेकाः उकिया कुँ नतुनकि नं सेखं चाःगु लनि ।

२. पालु

पालु छगु तसकं हे भींगु घरेलु वासः खः । थुकिं यक्वः हे ल्वय् लायेकेत ग्वाहालि याइ । अथे हे मुसु वइबलय् पालुया रस कस्ति नापं नल धाःसा उसाँय् बांलाइ ।

३. तुलसी

मुसु व सेखं चाइबलय् तुलसी तसक्कं हे बांलागु वासः खः । न्हि निगु÷प्यंगु तुलसीया हः न्ह्येगु यात धाःसा मुसु वःगु व कथु खस खस जूगुपाखें आराम जुइ ।

४. सुकमेल

सुकमेल तया चिया दायेका त्वनेगु यात धाःसा मुसु सेखं चाइगु म्हो जुइ । यदि सेखं चाल धाःसा नं सुकमेलया पू लुमारय् प्वचिना नतुनेगु यात धाःसा सेखं चाःगु लनि ।

५.छ्वया म्व (चोकर)

सेखं–मुसु वःगुयात ठीक यायेत मेगु छगू उपाय खः छ्वया म्व । निगु गिलास लखय् १० ग्राम छ्वया म्व, ५ ग्राम लवं अले बेची तयाः क्वाकेगु । क्वाकूगु लः बागु गिलास जुलकि तुरन्त त्वनेगु । थुकिं सेखं मुसु वःगु यात तुरुन्त कम याइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.