सिन्दुरकाे रंगमा इन्द्रेणी -२०७५ कविता संग्रह सफूया उलेज्या

११३८ गुँला थ्वः षष्ठी/येँ

झीगु सम्वाददाता

“कविता  जीवनया सुन्दर अभिव्यक्ति खः । जग व जीवनया यथार्थ भाेगार्इ सुख दुःख संगति विसंगति भविष्य कल्पना व दर्शनं सुक्ष्म अभिव्यक्तिया जव रुप धारण याइ अले व सकतां भावं कविताया जन्म जुइ । चिहाकः खँग्वलं ताः हाकःगु भावयात व्यक्त यायेगु हे कविता खः “, थ्व धापू खः अाख्यानकार उपन्यासकार कवि नेपाल संगीत तथा नाट्य प्रज्ञा प्रतिष्ठानया कूलपति  श्री सरुभक्त श्रेष्ठया ।

थाैं  मू पाहाँ कथं झायादिम्ह वय्कलं भक्तपुर साहित्य समाज व हिरा माेति परिवारया मंकाः ग्वसालय्  जुगु ज्याझ्वलय् युवा कवि बसन्त नकर्मी सु- वहया “सिन्दुरकाे रंगमा इन्द्रेणी – २०७५” कविता संग्रह सफूया उलेज्या यानादिल ।

किपाः रेखा शाक्य

विधिवत रुपं त्वाः देवाय् मत च्याका न्ह्याःगु उगु ज्याझ्वलय् कविता संग्रहया उलेज्या सिबें न्ह्यः लाेक  गायक बुद्धिकृष्ण लामिछानेयात मंकाः कथं ग्वसाखलः पाखें सम्मानपत्र व नगद मू पाहाँ पाखें लःल्हायेगु ज्या जुगु  खः । लाेक गायक म्हः मफुगु हुनिंयानाः वय्कःया जहानं उगु सम्मान फयादिगु खः । सल्लाहकार काशीराम विरसपाखें लामिछानेया संक्षिप्त जीवनी नं ब्वना न्यंकादीगु खः ।

किपाः रेखा शाक्य

छगू इलय् सकसियां म्हुतुइ घाःगु लाेक म्ये वि‍ सं २०३६ सालय् “घाँस काट्ने खुर्केर अायाे जाेवन हुर्केर” रेडियाेय् म्ये हाला थःगु सांगितिक यात्राया न्हापांगु पलाः छिनादिगु खः लाेक गायक लामिछानेजुं । न्हापां हाःगु म्येय् हे थःगु म्हसिका बिया लाेकप्रिय जुम्ह लामिछानें “पिंढीमा बसेर मेरै बाटाे हेरेर”,  “मेरी अामा रुँदी हुन् मलार्इ सम्झेर “या लिसें अापालं लाेकंह्वाःगु म्ये हालादिगु दु । वयकःया सांगितिक यात्राया याेगदानयात लुमंका वय्कःयात थुकथं सम्मान यानागु खँ ग्वसाः खलकं जानकारी ब्यूगु खः ।

कविता संग्रहया लेखक बसन्त नकर्मीजुं थुगु सफुतिइ ३६ पू कविता थी थी जीवनया अाराेह अवराेहया पलयात कय्च्याना च्वयागु खँ कनादिल ।

राजुराम मुनकर्मीया नायःसुइ न्ह्याःगु उगु ज्याझ्वलय् राष्ट्रिय नाचघरया महाप्रबन्धक राजेश थापा कवियत्री प्रतिसरा साय्मि युवा कवि सुधीर ख्वबिया लिसें अन्य विशिष्ट व्यक्तित्वपिनिगु सहभागिता दुगु खः ।

किपाः रेखा शाक्य

थ्वहे झ्वलय् अन झायादिपिं पाहाँपिंन्त व ज्याझ्वलय् सितारया धून न्यंकादिगु  श्री वाद्य शिराेमणि संगीत घरानाया पुचःयात मतिना चिं नं लःल्हाःगु खः ।

 

 

 

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.