सिथी द्यः (कुमार) या न्हवं थाैं बहनी

११३८ तछला थ्व तृतीया /येँ

झीगु संवाददाता

येँया न्हूघः न्ह्यनेसं च्वंगु मण्डपय् थाैं तृतीयाया न्हि कुन्हु बहनी सिथी द्यःया न्हवं याइगु जुगु दु । कुमार, कार्तिकेयया नामं म्हस्यूम्ह महाद्यः व पार्वतीया तःधिकम्ह काय् खः । जैशीदेगःया श्रेष्ठ थरपाखें प्रतिनिधित्व यानाः न्ह्यानाच्वंगु थुगु परम्पराय् सिथी नखःया प्यन्हु न्ह्यः थुकथं देछेँय् पितहयाः थसिया नेमकुलया पान्जुपाखें पुजायाये धुंका धलिं लुइकेगु ज्या जुइ ।

किपाः रेखा शाक्य

सादुरु व लः पाखें सिथिद्यःयात धलिं लुइकेगु ज्या क्वचाल कि कन्हे कुन्हुनिसें लँपु छायेगु ज्या शुरु जुइ । सिथि नखः छन्हु न्ह्यः अन हे च्वंगु द्यः फल्चाय् बहनी ९ कर्म पुजा राजोपाध्याय पाखें होम यानाः पुजा क्वचायेकी । अले कन्हे कुन्हु न्हिच्छि सर्वसाधारणया नितिं ब्वयातइ । थुगु दिनय् थुम्ह हे सिथि द्यःयात देगु द्यः भाः देपुजा मदुपिनी नं पुजा वया देपुजा भ्वय् न्यायेकी सा मदुपिनिगु आत्मां पुण्य संचय् याये फयेमाः धकाः १०८ देवा मत नं च्याकेगु ज्या जुइ ।

किपाः रेखा शाक्य

न्हापा न्हापा थुम्ह द्यःयात येँया या रुटय् थःने क्वने व किलाघलय् चाहिकेगु परम्परा दूगु खःसां ३६ दँ न्ह्यः निसें थ्व परम्परा बिना वंगु व छुं आयश्रोत मदूगु हुनिं याना थ्व जात्रा हे नं दिना वनिगु खःला धैगु बिचाः विष्णुलाल श्रेष्ठजुं झीगु संवाददातायात नुगः खँ प्वंकादीगु दु  ।

Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.