fbpx

साहित्य मन्दिरया ६६ क्वः बुदिं हना ज्याझ्वः

झीगु संवाददाता

ख्वप ने सं ११३९ चाैला गाः आमाइ ।  नेपाल साहित्य मन्दिर ख्वपया ख्वीखुक्वःगु बुदिं हना ज्याझ्वः ख्वपय्  क्वचाल । नेपालभाषा ख्यलय् ताः ई निसें भाषा सेवा याना दिपिन्त देछाइगु कथंया थी थी सिरपालं म्हिगः छगू ज्याझ्वःया ग्वसाः ग्वसें रुक्मणी श्रेष्ठयात ‘जरिमैया साखः कुमार लुमन्ति सिरपा’, सुनिल बज्राचार्ययात ‘सुमन कुमार परदेशी लुमन्ति सिरपा, श्री आकाश भैरव नौ बाजा भजन खलःयात ‘हर्षलाल लुमन्ति सिरपा’ लःल्हाःगु खः ।

 

उगु हे ज्याझ्वलय् छत्र राज शाक्य व विजय सागरपिन्त हनेज्या नं याःगु खः ।

किपा राजेन्द्र रंजित

मूपाहां प्रेमशान्ति तुलाधारजुं नुगः खँ तयेगु झ्वलय् ” छुं नं जातियात स्यायेमाल धाःसा दकलय् न्हापां भाषायात न्हंकेगु कुतः जुइ । थ्व ल्याखं स्वयेगु खःसा नेवाःत न्हनावनीगु अवस्थाय् थ्यने धुंकूगु दु । नेवाः भाय् ल्हाइपिं म्ह्व जुजुं वनाच्वंगु दु । नेवाःभाय् ल्हायेगु थाय् कयेकुंका यंकाच्वंगु दु झी हे दुनेयाःपिं नेवाःतयसं समेत । थज्वःगु इलय् नेपाल साहित्य मन्दिरं नेपालभाषायात म्वकातयेत, नेवाःतय्गु संरक्षण यायेत ख्वीखुदँ तक्क मदिक्क यानाच्वंगु योगदान चांचुं या मखु धाःसें उगु निरन्तरतायात च्वछायादीगु दु ।”

किपा राजेन्द्र रंजित

तिलक प्रसाद कायस्थया नायःसुइ रामेश्वर भुजुं न्ह्याकादीगु ज्याझ्वलय् बिराट नेपालभाषा साहित्य सम्मेलन गुथिया नायः कृष्ण भक्त बोडे, रामशेखर लुमन्ति दबूया नायः गोविन्द मान श्रेष्ठ, याताजःया नायः सौरभ शाक्यया लिसें अन्य नेपालभाषा ह्यमिपिनिगु नं उपस्थिति दुगु खः ।

Leave a Reply

Your email address will not be published. Required fields are marked *