सहकारीया मिसातय्‌त स्वास्थ्य सम्बन्धि अभिमुखिकरण

११३८ थिंलाथ्व त्रयोदशी

३०क्वःगु विश्व एड्स दिवसया झ्वलय् ख्वपया मध्यपुर थिमि सहकारीं संस्थाया मिसा दुजःतय्‌गु नितिं स्वास्थ्य सम्बन्धि छन्हुया अभिमुखिकरण ज्याझ्वः याःगु दु ।

ज्याझ्वलय् करिव स्वंगू दर्जन मिसातयत परिवार नियोजन, यौनजन्य ल्वयया संक्रमण अले मेमेगु स्वास्थ्य सम्बन्धि जानकारी ब्यूगु खः ।

‘विशेष यानाः नेपाली मिसातय्‌सं यौनजन्य स्वास्थ्य सम्बन्धि समस्याया खँ ल्हायेमफु’ जापान नेपाल स्वास्थ्य तथा क्षयरोग अनुसन्धान संस्था (जन्त्र)या स्वास्थ्यकर्मी मेनुका भासिमां धयादिल । ‘अथेजुयाः नं जिमिसं देय्‌न्यंकया थीथी संघसस्थालिसेया सहकार्यय् मिसा स्वास्थ्य सम्बन्धि जानकारी बीगु यानाच्वनागु दु’ स्वास्थ्यकर्मी भासिमां तनादिल ।

अभिमुखिकरण ज्याझ्वलय् जन्त्रया सुधीर राई अले सुनिता राउतं नं स्वास्थ्य सम्बन्धि जानकारी ब्यूगु खः ।

मध्यपुर थिमिइ जूगु ज्याझ्वःयात सहकारी संस्थाया महिला उपसमिति, जन्त्र अले पी. एस. आईं मंकाः रुपं ग्वसाः ग्वःगु खः ।

बुखँ : केके मानन्धर

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.