सलमान खान २३ दँ लिपा नेपालय् वइगु

सेयर यानादिसँ

११३८ पोहेलाथ्व द्वितिया, येँ ।

बलिउडया सुपरस्टार सलमान खान २३ दँ लिपा नेपालय् वयेत्यंगु दु ।

सलमान सन् १९९४ धुंका निक्वःगु खुसिइ नेपालय् ववयेत्यंगु खः । ‘दबंग द टुर’ धाःगु म्युजिकल टुरया नितिं सलामान नेपालय् वयेत्यंगु खः । सलमान नाप नकिं सोनाक्षी सिन्हा, डान्स मास्टर प्रभु देवा, डेजी शाह व पञ्जाबी भांगडा डान्सरत नं वयत्यंगु खः ।

ग्वासा खलःया धाःपु कथं तिंख्यलय् जुइत्यंगु उगु ज्याझ्वलय् लगभग ५० हजारया हाराहारीइ सलमानया फ्यानत मुनीगु आस दु । यदि थथे जुल धाःसा नेपाःया इन्टरटेन्टमेन्ट इतिहासया हे थ्व दकले तःधंगु शो जुइगु नं ग्वसाखलःया धाःपु दु ।

१२ बजेनिसें गेट खुला यासा सलमान धाःसा ६ बजे निसें लगभग ३ घण्टातक स्टेजय् प्याखं हुलेगु निसें म्ये नं हालीगु याइ धाःगु दु ।

ज्याझ्वया सेटअप इन्टरनेशनल स्टरया जुइ । दिल्लीया जवाहरलाल नेहरु रंगशालाय् वंगु डिसेम्बरया १० तारिखय् थ्व हे ज्याझ्वः जूगु खः । अन नं ५० हजारया जःखः सलमानया फ्यान वःगु खः । व हे जुया येँया तुंख्यलय् नं ज्याझ्वः भव्य व सभ्य जुइ धइगु ढुक्क दु धकाः ग्वसा खलया नायः भाजु सीमान्त गुरुङं धाःगु दु ।

थ्व ज्याझ्वः होली धुंकाया मेगु वालय् जुइत्यंगु दु । विश्वया तःजाःगु हिमाल सगरमाथाया दृश्यावोलकन यानाः सलमान ११ मार्चय् मुम्बइ लिहा वनिगु ग्वसाः खलःया धाःपु दु ।
टिकटया मू ३ हजारनिसें १० हजारतकया जुइ धाःसा थ्व ज्याझ्वःया मुकं बजेट १० निसें १२ करोड फ्यानातःगु खँ नं ग्वासाः खलःपाखे वःगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.