सम्बन्धय् ताजापन मन्त की ?

https://www.facebook.com/rajendra.manandhar.7906

छाय् ई नापं मतिनांया चमक कम जुया वनी ? छाय् ज्याः व व्यस्ततां याना मतिना धरासायी जुइ ? अले जिवनय् मतिना गनं गनं तनावंगु थे जुला ? निम्ह मतिनामी कला भात जुइ, अले छुं ई लिपा निम्हेसिया दथुइ मतिना छाय् तनावनी ? जब उपिं नापलायेगु, खँ ल्हायेगु धयागु छुं न एक्ट्रा मखुया वनी ।

छु छिगु सम्बन्धय्नं मतिनां जाला ? या छिगु सम्बन्धनं थतेहे जुया च्वंगु दु की ? अले न्हापा सिवें निम्हेसिया दथुइ मतिना म्हो जुया वना च्वंगु महशुस याना च्वनागु दु सा छिगु सम्बन्धयात न्हू कथं यंके माल धका सिकादिसं । छगु खँ छु सिके मा धासा गबलें गबलें मतिना याना धका क्यने न मां । जिसं थ्व खँ मनय् तया च्वनिं कि वयात गुलि मतिना याना धका वं स्यू हे स्युनी तर मतिना याना धका महशुस याकेगु तसकं जरुरी जुइ ।
अप्व थें मतिनाया केन्हे मफतकी नं सम्बन्ध ताःपाना वनी । थयागु अवस्थाय् हाकनं न्हापाथें यायेगु कोशिस याना दिसँ । अले व फुक्क यानादिसँ गु छिगु जिवनपासा यात यः ।

भचा रोमान्तिक जुया दिसँ

मतिना थिकेगु उपहारया मोहताज जुइ मखु । उपहार धयागु थयागु जुइ मा कि छिगु मनया खँ वयागु नुगलय् ताक थेन्की । चाहे व छफ्वः स्वां जुइमा बा छगु बुकेटय् जुइमा । थःयागु व्यवहारय् रोमांस हया थयागु सम्बन्धय् थाना च्वंगु धुयात चिइके फइ । निम्हेसिया दुनुगलय् च्वंगु खँ ल्हाना नं वयात गथेयाना रोमान्टिक याये फइ धैगु सियेका काये फइ ।

बेडय् नापनापं वनेगु

जब व नापं छि बेड सेयर यायेगु जुसा नापं तु बेडय् वनेगु बानी याना दिसँ । थ्व जरुरी मदुकी नापं बेडय् वनेतुं छगु हे इलय् द्यने मा धका । यदि पार्टनरया याकनं द्यनेगु बानी दु अले छिगु लिबाक्क सा छि बेडय् वना किताब व्बनेगु नं याये फइ । अलेय् पार्टनरया न्ह्यः वयेधुंका छिं मेगु ज्याः न याये फइ । थुके याना निम्हेसिया दथुइ छःगु आत्मियता ब्वलनी ।

सफलतायात सेलेब्रेट याये

थयागु पार्टनरया सक्सेसयात सेलेब्रेट यागु बानी याना दिसँ । थ्व सफलता वयागु प्रोमोशन बा छुं ज्याखय् दुगु प्रोत्साहनं जुइ फइ । थयागु मौकाय् वयात यःगु खाना दयेका बा पिनें गनं डिनरय् यंका सरप्राइज विया दिसँ । वयात थ्व बिचाः ब्वलंकादिसँ कि छिगु लागि व अलेय् वयागु लागि छि उलिहे खास खः गथेकि न्हापा ।

मिलेजुया समस्यायु समाधान याये

छिगु पार्टनरयात छुं खँ डिस्ट्रब यानाच्वंगु दुसा वयागु व्यवहारं सिका दिसँ अले टेन्सनया सोलुसन नापं मिलेजुया लिकायेगु कुत याना दिसँ । मतिनाला न्ह्याबलय्नं दइ तर वयात ब्वलंकेमा । छिं वयागु हरेक खँ त व मधायेक सिका वयात थःगु मतिना व्बलंके फइ । थथे याना दिलधासा छिगु सम्बन्धय् छगु न्हूगुपन वइ ।

मतिना याना धका धया दिसँ

मतिना याना दका धायेत छुं कथंया नियम मदु, वयात धायेगु, याना केनेगु तरिका जक पाइ । जिवन पासायाता थयागु नुगया खँ धायेगु मनूकथं थिथि जुइ । अथे जुया छि थम्हेसिया हे बिचाः याना दिसँ कि छिगु पार्टनरयात गथे याना थयागु नुगया खँ प्वंकेगु वा मतिना यायेगु । गथेकि फुंगाया लिक्क आइ लभ यु धका च्वया तयेगु वा गुलाफया छफ्वः स्वा तयाबीगु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.