सत्यमोहन जोशीया ९९  दँ बुदिं हन

११३८ बछलागा  नवमी/यल

वा‌ङ्गमय शताब्दी पुरुष सत्यमोहन जोशीजुया ९९ दँ बुदिं बुधवाः सुथय् लोकसाहित्य परिषद्ं जोशीया छेँ बखुँबहालय् छगू ज्याझ्वः याना हंगु दु । शताब्दी पुरुष जोशी लोक साहित्य परिषदया संस्थापक व थौंकन्हय् संरक्षक खः ।

किपाः राजेन्द्र रंजित

वय्कःया बुदिं नेपालसम्बत तिथि कथं बछलागा नवमि कुन्हु जुगुलिं नेवाः परम्पराकथं परिषदया नायः प्रा. प्रेमशान्ति तुलाधर व परिषद् दुजःपिन्सं ख्येँ सगं बिया हंगु खः ।

किपाः राजेन्द्र रंजित

उगु ज्याझ्वलय् यल महानगर प्रमुख चिरिबाबु महर्जन, उपप्रमुख गिता सत्याल, १२ वडाया वडाध्यक्ष नारायण अवाले, नेपालभाषा केन्द्रीय विभागया पूर्व प्रमुख तुल्सीलाल सिंह, विभागया स्यनामिपिं, ब्वंमिपिं, नेपालभाषा केन्द्रीय विभागय् ब्वंमिपिनिगु एलुमुनाइ एशोसियन लुमन्ति दबूया नायः किरण केन रञ्जित, दबूया दुजःपिं, नेवाः सूचना केन्द्रया प्रतिनिधिपिं, वर्ल्ड नेवाः अर्गनाइजेशन नेपाः च्याप्टरया नायः शाक्य सुरेन, नेपालभाषाया साहित्यकार, पत्रकारपिं वय्कःया छेँ झाया बुदिँया भिन्तुना बियादीगु दु ।

 

किपाः राजेन्द्र रंजित

 

किपाः राजेन्द्र रंजित

 

सत्यमाेहन जाेशीजुया तिरीमय्जु । किपाः राजेन्द्र रंजित

 

बुखँः नेवाः सूचना केन्द्र

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.