“सः छगु फरक अभिव्यक्ति” – स्वम्ह च्वमिया चिबाखं मुँज्या

ने स‌ं ११३९ कछला थ्वः एकादशी /यल

वंगु शनिबाः मंसीर १ गते साहित्यकारपिन्त हःपाः बिइकथं  न्हूगु दबूया शुभारम्भया झ्वलय् यलया इखालखु त्वालय् स्वम्हसिया मंकाः चिबाखं मुँज्या जूगु दु । “सः छगु फरक अभिव्यक्ति” नाम‌ं न्ह्याकूगु  थुकथंया ज्याझ्वः थ्व निक्वःगु खुसिइ खः ।

किपाः राजेन्द्र रञ्जित

सुधिर ख्वबिया कजिसुइ सुनिल बज्राचार्य न्ह्याकादीगु उगु मुँज्याय् दिव्या ताम्राकार, ज्ञानीराजा मानन्धर व रेणु श्रेष्ठं थःपिनिगु साहित्यया दसू म्हतिं न्यापु न्यापू ब्वना न्यंकादीगु खः ।

किपाः राजेन्द्र रञ्जित

उगु मुँज्याय् बरिष्ठ बाखंच्वमि भाषाह्यमि राजा शाक्य, मोक्ष्य बहादुर अमात्य, भगत दास श्रेष्ठ, राजित बहादुर श्रेष्ठ , वंशीधर बज्राचार्य , विमलप्रभा बज्राचार्यया नापं नेपालभाषा मंका खलः यलया नायः ऋषिप्रसाद श्रेष्ठ लगायत आपालं साहित्यकारया लिसें स्थानीयबासीपिसं नं ब्वतिकायादीगु खः ।

किपाः राजेन्द्र रञ्जित

ज्याझ्वःया लिपांगु झ्वलय् कजि ख्वबिं अन झायादिइपिं साहित्यया रस्वादन यानाच्वंपिं मध्ये गोला प्रथां ल्यःम्ह यलया ९१ दँ दुम्ह माया महर्जनयात मतिनाया चिं नं लःल्हानादीगु खः ।

https://www.facebook.com/rajendra.manandhar.7906

बुखँ व किपाः राजेन्द्र रञ्जित

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.