fbpx

श्री आर्यावलाेकितेश्वर अर्थात जनबहाः द्यःया जात्रा थाैनिसें


रेखा शाक्य

ने सं ११३९ चाैलाथ्व अष्टमी

दँय्दसं थें चाैलाथ्व अष्टमी कुन्हु येँया जनबहाःया द्यःयात रथ जात्रा थाैनिसें न्ह्यात । चैत्रया अष्टमी, नवमी व दशमी स्वन्हुयंक जमलं सालिगु तःहाकगु रथजात्रा लगमय् थ्यंका क्वचाइ । अनलिपा लगमय् यायेमाःगु पुजाविधि दक्वं क्वचायेकाः हाकनं त्रयाेदशी कुन्हु चिधंगु खतय् तया जनबहालय् हे लसकुसयाना दुत बिज्याकी जनबहाः द्यःयात । थाैं जात्राया न्हापांगु दिं कथं श्री आर्यावलाेकितेश्वर अर्थात जनबहाः द्यःयात सनिलय् बाजंगाजंया लिसें जनबहालं चिधंगु खतय् तयाः जनबहाः, वंघः, भ्याचाद्यः, वास्याद्यः, न्हायकंत्वाः,असं, कुनाय् त्वाः जुया जमलय् दयेका तःगु ताहाकःगु रथय् श्री आर्यावलाेकितेश्वरयात आसनय् विराजमान याके धुंकाः जनबहाः द्यःया रथ तीनधारा पाठशाला, रत्नपार्क, भाेटाहितिं यंकाः असंभुलु अजिमायाथाय् थ्यंका याः न्यायेकल ।
थन उकिया हे भिडियाे न्ह्यःब्वयाच्वना ।

Leave a Reply

Your email address will not be published. Required fields are marked *