‘श्रीदेवी लखय् दुनाः सीगु’

११३८ चिल्लाथ्व एकादशी/येँ

छुं दिं न्ह्यःतिनि मदुम्ह श्रीदेवी लखय् दुनाः सीगु खँ पिहांवःगु दु ।

पोस्टमर्टम एनालाइसिसं श्रीदेवी होटलया क्वथाया बाथ टबय् लखय् दुनाः सीगु खनेदुगु दुबइ पुलिसं धाःगु खः । दुबइया स्वास्थ्य मंत्रालयपाखें जारी जूगु सर्टिफिकेटय् दुर्घटनावश लखय् दुनाः श्रीदेवी सीगु धयातःगु दु ।

थ्वयां न्ह्यः श्रीदेवीया मृत्यु हृदयघातया हुनिं जूगु धया वयाच्वंगु खः ।

अतिकं लोकंव्हाःम्ह बलिउड नकिं श्रीदेवी वंगु २४ फरवरीकुन्हु बहनी दुबईलय् मदुगु खः । वयकः अन थःपरिवारलिसे कायचाया इहिपाय् वंगु खः ।

बलिउडया लेडि अमिताभ तकं धाइम्ह श्रीदेवीया हिम्मतवाला, तोहफा, मिस्टर इंडिया, नगीना, जस्टिस चौधरी, मवाली थुज्वःगु अतिकं लोकं व्हाःगु संकिपात पिदंगु दु ।
२०१७य् पिदंगु संकिपा ‘मम’ श्रीदेवीया लिपांगुलिसें ३सःगु संकिपा खः ।

हिन्दि लिसें तमिल, कन्नड, मलियालम आदि संकिपाय् तकं मदिक्क बिया वयाच्वंगु योगदानया नितिं भारत सरकारं श्रीदेवीयात पद्मश्री पुरस्कारं तकं सम्मानित याःगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.