fbpx

विश्व टेबल टेनिस धेँधेँबल्लाय् ब्वति काइपिं कासामिपिंन्त बिदाइ

नेपाल ओलम्पिक कमिटिया नाय नापं प्रतिनिधि सभा सदस्य जीवन राम श्रेष्ठं लैइभेर –२०१९ टेबल टेनिस धेँधेँबल्लाय् ब्वति काइपिं कासामिपिन्त बिदाइ यात ।
२१ अप्रिल निसें २८ अप्रिल तक बुढापेस्टय् जुइगु विश्व टेबल टेनिस धेँधेँबल्लाय् ब्वति काइपिं कासामि बिनेश खनिया, सन्तु श्रेष्ठ, नविता श्रेष्ठ, दिक्ष तामाङ, स्वेक्षा नेम्बाङ व सुनिल श्रेष्ठया टोलीनाप नेपाल टेबल टेनिस संघया नायः चतुरानन्द राज बैद्य व न्वकु धर्ममान बज्राचार्यपिं नं वनेत्यंगु खः ।
ओलम्पिक कमिटिया नाय श्रेष्ठं उगु धेँधेँबल्लाय् ब्वति काइपिं कासामिपिन्त भिंतुना ब्यूसें उगु धेँधेँबल्लाय् ब्वति कायेगुलिं कासामि पिनिगु अनुभव अप्वयेकीगु अले थुज्वःगु ह्वतायात चुनौतीकथं कयाः कासा त्याकेत यक्वः मेहेनत यायेत नं इनाप याःगु दु ।
उगु बिदाइ ज्याझ्वलय् नेपाल ओलम्पिक कमिटिया मेडिकल कमिसनया नायः सरोज कृष्ण श्रेष्ठ नं उपस्थित जूगु खः ।

Leave a Reply

Your email address will not be published. Required fields are marked *