विश्वसम्पदा पदयात्रा हनुमानध्वाखा निसें स्वयम्भू तक- थ्व हे बैशाख २ गते निसें ८ गते तक

११३८ चौलागा एकादशी/येँ

येँ महानगरपालिकाया संयोजकत्वय् विश्वसम्पदा हनुमानध्वाखा दरवार स्क्वायरनिसें विश्वसम्पदा स्वयम्भू तक पदयात्रा ज्याझ्वः बैशाख २ गते निसें ८ गते तक जुइगु जूगु दु । बैशाख २ गते प्रमुख संस्कृति पर्यटन तथा नागरिक उड्डयन मन्त्रीपाखें उलेज्या जुइसा समापन सम्माननिय प्रधानमन्त्रीपाखें जुइगु खँ थौं जुगु पत्रकार सम्मेलनय् जानकारी ब्यूगु खः ।

किपा-शरण ज्यापू हरि

नगर प्रमुख विद्यासुन्दर शाक्यं सम्पदाया संरक्षण जक मखसें थुकिया प्रबर्द्धन यानाः आर्थिक समृद्धि पाखे नं न्ह्यज्याये माःगु खँ पत्रकार सम्मेलनय् कनादील ।

पत्रकार सम्मेलनय् सभासद् जीवन राम श्रेष्ठं स्वनिगः, संस्कृति व सम्पदाया धुकू जुगु खँय् बः बिसें भविष्यया नितिं नं थुकिया जगेर्ना याये माःगु धाःसें पर्यटन प्रबद्र्धनय् टेवा बिइ फत धाःसा स्वनिगःया आर्थिक समृद्धिइ न्हूगु आयाम हइगु खँ धयादिल ।

किपा-शरण ज्यापू हरि

येँ महानगरपालिकाया मेयर विद्यासुन्दर शाक्यया संयोजकत्वय् काठमाडौं क्षेत्र नं. ७ व ८ या माननिय दुजःपिं, हनुमानध्वाखा नापं स्वानाच्वंगु प्यंगु वडा लगायत पदयात्राया लँपु लाःगु वडा नं. १८ व १५ या वडाध्यक्ष सहित थुगु सम्पदा पदयात्रालिसें सम्बन्धित धार्मिक सांस्कृतिक पुचः लगायत स्थानियवासीपिनिगु संलग्नताय् छगू आयोजक समिति गठन याःगु दु ।

किपा-शरण ज्यापू हरि

थुगु सम्पदा पदयात्रा कार्यक्रम अन्तर्गत २ गते सरसफाई कार्यक्रम, ३ गते विद्यार्थीपिनिगु सम्पदा पदयात्रा, ४ गते विविध खेलकुद कार्यक्रम, ५ गते फोटो पत्रकारपिनिगु सम्पदा पदयात्रा, ६ गते हुलाक टिकट प्रदर्शनी, ७ गते आर्ट वर्कशप, ८ गते बाजागाजा सहित हनुमानध्वाखांनिसें स्वयम्भू तक सम्पदा पदयात्रा जुइ ।

किपा-शरण ज्यापू हरि

सम्पदा पदयात्रा विश्व सम्पदा सूचिइ सूचिकृत हनुमानध्वाखां शुरु जुयाः मरु गणेद्यः, काष्ठमण्डप, मरु हिति, सन्तानेश्वर महादेव, मरु बही, बन्जा हिति, चसाँद, दमाई त्वाः , न्यत द्यःछेँ, लोकेश्वर मूर्ति, भुरुंगखेल, मेय् छ्यँ हिति, भेलु महाद्यः, डल्लु चौतारा, निपु हिति, धिमे ल्वहं जुयाः विश्व सम्पदा सूचिइ सूचिकृत स्वयम्भू लागा तक जुइ ।

किपा-शरण ज्यापू हरि

थुगु सम्पदा पदयात्राया मस्कट ज्याझ्वःया लाेगाे अंकित ध्वाँय् ज्वना तःम्ह माकः तयातःगु दु ।

2 thoughts on “विश्वसम्पदा पदयात्रा हनुमानध्वाखा निसें स्वयम्भू तक- थ्व हे बैशाख २ गते निसें ८ गते तक

  • April 12, 2018 at 7:01 pm
    Permalink

    Yo Yatra ta Hanumandhoka bata Paropakar-Ramghat-Kankeshowri-DalluPul bata pani yatra garaunu parne ho sabai neta harulai

    Reply
  • April 12, 2018 at 7:04 pm
    Permalink

    Yo Yatra ta Hanumandhoka bata Paropakar-Ramghat-Kankeshowri-DalluPul bata pani yatra garaunu parne ho sabai neta harulai ani thaha hunchaa ki world heritage ko ekdum najik ko thau pani katti ko khattam rahechaa

    Reply

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.