विश्वकप २०१८ य् म्हिगः गोलया वर्षा, जर्मनी नं नकआउटया लँपूइ

११३८ तछलाथ्व एकादशी

विश्वकप २०१८ या झ्वलय् म्हिगः क्वचाःगु स्वंगू कासाय् जम्मा १३ गू गोल जुल । थुगु विश्वकपया झ्वलय् आःतक उप्वः गोल ७गू बेल्जियम व ट्युनिसिया दथुइ जुगु कासाय् जुगु खःसा दक्षिणकोरिया व मेक्सिको अले जर्मनी व स्वीडेन दथुइ जुगु कासाय् ३ गूू, ३ गू  गोल जुगु खः । म्हिगःया कासा लिपा जर्मनी नकआउटया लँपुइ थानाच्वंगु दु ।

किपाः रियुटर्स

म्हिगः क्वचाःगु न्हापांगु कासाय् बेल्जियमं ट्युनिसियायात ५–२ गोलं बुकुगु दु । बेल्जियमया इडन हाजार्डं ६गू मिनेट्य पेनाल्टीपाखें न्हापांगु गोल यागु खःसा दिपा लिपा ५१ औं मिनेट् निगूगु गोल याःगु खः । लुकाकुं १६ औं मिनेट्य् व दिपा या इन्जुरी टाइमय् निगूगु गोल याःगु खः । बात्सुयालं दिपा लिपा ९० औं मिनेय् गोल याःगु खः । मेखे ट्युनिसियाया बु्रनं १६ औं मिनेट्य व खाज्रीं कासाया अन्तिम इलय् निगूगु गोल याःगु खः ।

किपाः रियुटर्स
किपाः रियुटर्स

अथेहे म्हिगः क्वचाःगु निगूगु कासाय् मेक्सिकों दक्षिणकोरिया २–१ गोलं बुकुगु दु । मेक्सिकोया भेलां न्हापांगु गोल २६ औं मिनेटय् पेनाल्टी पाखें याःगु खः । निगूगु गोल ६६आैैं मिनेटय् हर्नान्डेज याःगु खः । दक्षिण कोरियाया ह्यूङमिनं कासाया इन्जुरी टाइमय् छगू गोल फर्के यात । मेक्सिको म्हिगःया कासा त्यासेंलि नकआउटय् वनिगु पक्का जुगु दु ।

किपाः रियुटर्स
किपाः रियुटर्स

अथेहे म्हिगःः हे क्वचाःगु स्वंगूगु कासाय् जर्मनिं स्वीडेनयात नं २–१ गोलं हे बुकुगु दु । स्वीडेनया ओलां दिपा न्ह्यः ३२ औं मिनेट्य गोल थ्वाना अग्रता काःगु खसां ४८ औं मिनेट्य् जर्मनिया रियुसं बराबरी गोल याःगु खः । कासाया इन्जुरी टाइमय् ९०+५ मिनेटय् टोनी क्रुसं गोल यासें जर्मनीया नकआउटया लँपू बल्लाकुगु खः । अथेहे थुगु विश्वकपय् जर्मनीया बोयटेङं २गू म्हासगु कार्डया सामाना यासें रेडकार्ड रेफ्रीं रेडकार्ड ब्यूगु खः । बोयटेङ रेडकार्ड नःम्ह निम्हम्ह कासामि जुगु दु ।

थौंया कासा इंग्ल्याण्ड व पनामा (५ः४५ ताःइलय्), जापान व सेनेगल (८ः४५ ताःइलय्) व पोल्याण्ड व कोलम्बिया (११ः४५ ताःइलय्) दथुइ जुइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: