विश्वकप २०१८ पुलुपालु – लिग चरण क्वचाय् धुंकाः

 

११३८ तछला गाः दितीया

विश्वकप २०१८ लिग चरणया ४८गु कासा क्वःचागु दु । कासाय् इंग्ल्याण्डया ह्रयारी केनं ५ गोल यानाः गोल्डेन बुटया दाबेदार कथं न्ह्यावयाच्वंगु दु । अथेहे पोर्चुगलया क्रिस्चीयानी रोनाल्डो, बेल्जियमया रोमेलु लुकाकुं ४।४ गोल याःगु दु । अथेहे रसियाया डेनिस चेरिसेभ व स्पेनया डियगो कोस्टां ३।३ गोल याःगु दु ।लिग चरणय् मुक्कं १२२ गोल जुगु दुसा १५८ गु म्हासुगु कार्ड नं रंगशालाय् क्यंगु दु । दकलय् अप्वः गोल गूंगु गोल बेल्जियमं याःगु खः । दकलय् अप्वः अट्याक धाःसा जर्मनिं २५२ क्वः पोल अटायक याःगु खः । दकलय् यक्वः पास स्पेनं २०८९ जुलसा बेस्ट अटायक जर्मनी २५२ क्वः याःगु जुल । आःतक बेस्ट डिफेण्डीङया धलखय् इरानं १४९ गु अटायकयात बिफल याःगु जुल ।

किपा गुगल

गोल यायेत यक्वः प्रयास ब्राजिलया नेयमारं १७ क्वः यात सा कासाय् उप्वः ब्वाँय वम्ह कासामी डेनमार्कया क्रिस्चियन इरिक्सनं ३६ कि.मि. ब्वाँय वंगु खः ।

दकलय् उप्वः गोल जुगु कासा बेल्जियम व ट्युनिसियाया कासा खः । गुकिइ ७ गु गोल जुगु खः । अथेहे दकलय् अप्वः गोल यायेत प्रयास याःगु कासा नं बेल्जियम व ट्युनिसिया दथुया कासा खः गुकिइ ३१ क्वः गोलया प्रयास जुगु खः । थथेहे दकलय् अप्वः ८ गु कार्ड नं थ्वहे निगू देया कासाय् हे क्यंगु खः ।

लिग चरणया कासा क्वचाःबलय् डेनिस चेरिसेभ, क्रिस्चियानो रोनाल्डो, लुका मोड्रिक, ह्यारि केन, लुइस स्वारेज निक्वः निक्वः म्यान अफ दि म्याच नं जुगु दु ।

अथे हे न्ह्यानाच्वंगु विश्वकप कासाया लिग चरण तक रेड कार्ड स्वम्ह कासामिं नःगु दु । कोलम्बियाया सांचेज, रसियाया इगोर व जर्मनिया जेरोमीं छगू छगू ह्यांगु कार्ड नःगु खः ।

ग्वाहालि ः फिफाया अफिसियल वेभसाइट पाखें

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.