लिगया नितिं नेपाली क्रिकेट टिम घोषणा

११३८ पोहेंलागा तृतीया/येँ

आइसीसी विश्व क्रिकेट लिग डिभिजन–२ या लागिं न्हापांगु झ्वलय् २१ दुजःया नेपाली राष्ट्रिय कासामि ल्ययेगु ज्या क्वचाःगु दु ।

आइसीसी प्रतिनिधि अमिनुल इस्लाम, मुख्य प्रशिक्षक जगत टमाटा व कप्तान पारस खड्का दुथ्याःगु ल्यज्या समितिं बिहीबाः ल्यःपिं कासामिइ कप्तान पारसलिसें ज्ञानेन्द्र मल्ल, रोहितकुमार पौडेल, करण केसी, अनिलकुमार शाह, वसन्त रेग्मी, दिलीप नाथ, दीपेन्द्रसिंह ऐरी, दिपेश श्रेष्ठ व ललित भण्डारी लाःगु दु ।

नापं, ललितनारायण राजवंशी, आरिफ सेख, शक्ति गौचन, शरद भेषवकर, सिद्धान्त लोहनी, सोमपाल कामी, सन्दीप लामिछाने, सुनील धमला व सुशन भारी नं ल्यज्याय् लाःगु दु ।

२१ दुजःया टिमय् रसिद खान र किशोर महतो नं न्हापांगु खुसी ल्यज्याय् लाःगु दु । तर राष्ट्रिय टोलीया निम्ह दुजःपिं विनोद भण्डारी व सागर पुन धाःसा टिमं पिने लाःगु दु ।

बन्द प्रशिक्षण याकनं हे न्ह्याइगु न्ह्यथंगु दु। वइगु माघ २३ गतेनिसें नामिबियाय् जुइगु कासाय् शिर्ष २ तक्क लायेत ताःलात धाःसा नेपालं विश्वकपय् तकं म्हितेखनी ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.