fbpx

लाभा : छगू आयुर्वेदिक वास

आयुर्वेदय् लाभायात वास धकाः नालातःगु दु । गुकिं थी थी कथं यात ल्वय्यात लंकेगु ज्या याइ । भिं उसाँयया नितिं तसकं बालांगु, गुणकारी, लाभकारी मदयेकं मगागु लाभायात तरकारी दयेकेगु झ्वलय् चिकनय् झ्वांय् यायेगु निसें कयाः ग्रेभी दयेकेत नं लाभाया छ्यलाबुला यानाच्वंगु दु । लाभा वाउँगुबलय् तरकारी दयेका वा कचिकं नं नयेगु याइ । अथे हे गने धुंका लाभायात मसलाया कथं नं छेलेगु याइ । लाभाय् अपो दैगु सल्फरं एन्टिबायटिकया ज्या याइ, गुकिं यानाः शरीरय् दैगु विषाक्तयात पिन छोया पाचनतन्त्रयात बलाकेगु ज्या याइ । थो सामान्य सेखं चाःगु मुसु वगुया नं वास खः । अले हिनु सफा यानाः हृदयघाट पाखें नं बचेयाइ ।  लाभाय् दैगु एन्टीअक्सिडेन्त तत्वं यानाः अल्जाइमर, डिमेन्सिया थेंजागु ल्वचं बचेयाइ । थुकिं क्वँय् बल्लाकेत नं उलि हे ग्वहालि याइ ।
लभाय् दैगु तत्व
प्रोटिन ६.३ %, लिपिड ०.३ %, कार्बोज (कार्बोहाईड्रट) २१ %, खनिज पदार्थ १ %, चुन ०.३ %, आइरन १.३ % नापं भिटामिन बी, बी१, बी२, बी ३ व बी ६ अथे हे फोलेट, क्याल्सियम, आइरन, म्याग्निसियम, फोस्फरस, पोटासियम, सोडा व जिंक आदि इत्यादि मनूयात मदयेकं मगागु लाभदायक तत्वं भरिपूर्ण जु ।
लाभाया फाइदा
प्राकृतिक एन्टिबायोटिक
लभाय् प्राकृतिक कथं एन्टिबायोटिक गुण दइ । लाभां न्ह्यागु कथंया संक्रमणपाखें नं जोगेयाइ । थुकिं इन्टरनल स्वेलिङ व स्या यात म्हो याइ । लाभा न्हि न्हि नयेगु यात धाःसा थुकि दैगु एलियम नांयागु एन्टिबायोटिकं ल्वय् नाप ल्वायेगु क्षमता बृद्धियाना ल्वचं कइगु पाखें जोगेयाइ ।
ख्वाउँपाखें सुरक्षा
लाभाय् दैगु गरमं यानाः चिकुलाबले ख्वाउँ तंकेत थ्व तसकं हे लाभदायक जु धकाः यक्वः हे अनुसन्धान पाखें प्रमाणित यायेधुंकूगु दु । सेखं मुसु लंकेत लाभां यक्वः हे ग्वहालि याइ ।
मुटु बल्लाकेत
ब्लडप्रेसर हाइ जूपिन्त लाभा तसकं हे लाभदायक जु । हाइ ब्लडप्रेसरया विरामीतय्सं नियमित कथं लाभा नयेगु यात धाःसा ब्लडप्रेर संतुलित जुइ । लाभायात नियमित कथं नयेगु यात धाःसा कोलेस्ट्रोल संतुलित जुइगुलिं  हृदयघाटया सम्भावना म्हो जुइ ।
सँयात पोषण
सँयात कयाः छु नं कथंया समस्या दुपिन्त लाभा बरदान हे सावित जुइ । थुकि दैगु एलीसिन नांया सल्फरं याना सँ हाइगु समस्या न्हंकेत ग्वाहाली याइ । नाप मेमेगु छु नं कथंया सँया समस्या यात थुकिं हे न्हंका छ्वइ ।
प्वाःनाप सम्बन्धित ल्वय् छुमन्तर
लाभा प्वाथय् नाप सम्बन्धित ल्वय् डायरिया, कब्जियत, ग्यास्ट्रिकयात तसकं हे लाभदायक जु । लः क्वाकाः उकि लाभा तया उकियात खालि प्वाथय् त्वनेगु यात धाःसा डायरिया व कब्जियत पाखें मुक्ति हे जुइ । अथे हे खाली प्वाथय् छभि लाभा न्ह्यया नयेगु यात धाःसा पाचन शक्ति बल्लाकेगु नापं नसाय् रुचि नं अप्वःय्की ।

Leave a Reply

Your email address will not be published. Required fields are marked *