रुपेन श्रेष्ठया कलाकारिता खस भाषाय् नं

 

ने. सं. ११३९ कछलाथ्व अष्टमी  बिहिबाः

झीगु सम्वाददाता ।

रुपेन श्रेष्ठ थक्वामि, नेपालभाषा संकिपातय् कलाकार व म्यूजिक भिडियोया ख्यलय् माेडल कथं थःगु म्हसिका बिइत ताः लायेधुंकूम्ह कलाकार खः । वय्कःया “मुसुमुसु न्हिला छं जितः हायेका स्वयेमते” । युट्युबय् चाइनिजतय्सं न्हिकेत याइगु उलफट्यांगज्यायात हे लिधंसा दयेकाः नेपालय् नं उकथंया हे प्रयोग याये ज्यू धकाः क्यना दयेकूगु म्ये पाखें वय्कःयात अझ यक्वसिनं म्हसिकेगु कुतः जुगु दु ।

उम्ह हे नेपालभाषा संकिपा व म्यूजिक भिडियो ख्यलय् थःगु पलाः धिसिलाका च्वनादिम्ह कलाकारया पलाः खस नेपाली भाषाय् नं न्हयाःगु दु ।
वय्कलं झीगु डटकमनाप  खँ ल्हायेगु झ्वलय् नकतिनि जक सुटिङ ज्याझ्वः क्वचाःगु खस नेपाली भाय्या म्ये ‘भीरको खोला मैं तरी आउँला…’ बोलया म्यूजिक भिडियोय् मू भूमिका म्हितागु  कनादिल ।

https://www.facebook.com/rajendra.manandhar.7906

उगु म्यूजिक भिडियोस कलाकारपिं राष्ट्रिका शाक्य, सेवा मान श्रेष्ठी, सुदिवा शाक्यपिन्सं साथ बियादीगु दु । म्येहालामि सुजन शाक्यं हालादीगु उगु म्ये फिरोज बज्राचार्यं च्वयादीगु खःसा भाजु बज्राचार्यं हे संगीत तयादीगु खः । अथेहे, भाजु बज्राचार्यं हे संगीत संयोजन यानादीगु उगु म्ये यलया भिन्छेबहालय् च्वंगु ज्योति रेकर्डसय् रिकर्ड यानातःगु खः ।

थुगु खस नेपाली भाय्या म्यूजिक भिडियो रिक्की शाक्यया परिकल्पना व निर्देशनय् निर्माण जूगु खः ।

कलाकार रुपेन श्रेष्ठ नेशनल बक्स अफिस म्यूजिक भिडियो अवार्ड २०१८ य् नेपालभाषाया म्यूजिक भिडियोय् बेष्ट मोडेल मिजं नेपालभाषा म्ये व बेष्ट पपुलर मोडेल मेल नेपालभाषा जुरी अवार्ड त्याकेत ताःलाःम्ह कलाकार खः ।

Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.