रामशेखरया  न्हूगु संस्करण धिन्ताल्ल सफू पितब्वज्या

ने स‌ं ११३९ कछला थ्वः एकादशी /ख्वप

“ख्याली धइगु अजागु जुइमाः गुकिं सुइतं ध्याचू नकूगु खः उकिं वइतःहे न्हिकेफत धाःसा जक ख्यालि पूवनी”, थ्व धापू राम शेखर नकःमिजुया खः । थ्व हे धापू लुमंकादिल ख्वपया हे मेम्ह नां जाम्ह जीवन्त अभिनय यानादिम्ह कलाकार आशाकाजी थकुजुं ।

किपाः राजेन्द्र रञ्जित

ज्वःमदुम्ह ख्यालि ध्याचू च्वमिया लिसें नां जाम्ह संकिपाःमि रामशेखर नकःमिया लुमन्तिइ वंगु शनिबाः ख्वपय्  रामशेखर लुमन्ति दबू नी स्वनेगु ज्याझ्वलय् थकुजुं  उगु धापू लुमंकादीगु खः ।

किपाः राजेन्द्र रञ्जित

उगु हे ज्याझ्वलय् मेम्ह मूपाहाँ ख्यालिजुजु मदन कृष्ण श्रेष्ठं कुतः पिकाकः पाखें प्रकाशन जूगु धिन्ताल्ल सफूया न्हूगु संस्करणया नं पितब्वज्या यानादिगु खः । धिन्ताल्ल यात रामशेखर नकःमिं च्वःगु छगू ज्वःमदुगु ख्यालः मुना सफू कथं कयातःगु दु ।

किपाः राजेन्द्र रञ्जित

न्हापा ने सं १०९९ स पिहाँ वःगु थुगु सफू बजारय् न्याये मदुगुलिं लिसें वय्कःया थुगु कृति सकसिनं ब्वने ययेकुगु हुनिं न्हूगु संस्करण कथं कुतः पिकाकया लुखां २४१ या ल्याखय् पिथनागु खँ पिकाकया हामा विमल ताम्राकारजुं कनादिगु दु ।

किपाः राजेन्द्र रञ्जित

नेपाल सम्बत ११३९ न्हूदँ व रामशेखर लुमन्ति दबु नीस्वंगु लसताय् जूगु ज्याझ्वलय् तिलक प्रकाश कायस्थ, नरेन्द्र भक्त हाडा, राजेन्द्र मान शाक्य, कृष्ण भक्त बोडे, आशाकाजी थकुंलगायतपिन्सं भिन्तुना न्वचू तयादीगु खः ।

https://www.facebook.com/rajendra.manandhar.7906

संस्थाया कजि गोविन्द मान श्रेष्ठया नायःसुइ प्रदिप शाक्यं ज्याझ्वः न्ह्याकादीगु खः ।

बुखँ व किपाः राजेन्द्र रञ्जित

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.