रमेश ताम्राकारया अन्त्येष्टि जुल

११३८ सिल्लाथ्व दशमी/येँ

मदुम्ह म्येहालामि रमेश ताम्राकारया अन्त्येष्टि थौं लुतिइ क्वचाःगु दु ।

मदुम्ह ताम्राकारया शवय् वय्‌कःया तःधिकःम्ह काय् सगुन ताम्राकारं मि तयादीगु खः ।

वय्‌कःयात लिपांगु श्रद्धान्जलि प्वंकेत लुतिइ नं तःधंगु ल्याखय् हे मनूत मुंगु खः । श्रद्धान्जलि प्वंकेगु ज्या लिसें विधि यानाःलि सनिलया ५ः३०ताः पाखे मि तयेगु ज्या जूगु खः ।

व स्वयां न्ह्यः लिपांगु श्रद्धान्जलि प्वंकेगु नितिं मदुम्ह ताम्राकारया शवयात येँया जमःस्थित सांस्कृतिक संस्थान, राष्ट्रिय नाचघरय् तःगु खः ।
अनं नं वय्‌कःयात श्रद्धान्जलि देछायेगु नितिं कलाकारलिसें मदुम्ह ताम्राकारया शुभ चिन्तक, फाय्‌नपिं तःधंगु ल्याखय् मुंगु खः ।

मदुम्हेसित श्रद्धान्जलि देछायेत अन गोल्डन भ्वाइस प्रेमध्वज प्रधान, जनकवि दुर्गालाल श्रेष्ठ, म्ये च्वमि वालकृष्ण सजीव, म्येहालामि स्वयम्भुराज शाक्य, जुजुकाजी रंजीत, लोचन भट्टराई, भाषा ख्यःया न्ह्यलुवा नरेशबीर शाक्य, संकिपा निर्देशक पवज जोशी, कलाकार प्रभाकर देव शर्मा, साहित्यकार लाभरत्न तुलाधर लिसें थ्यंगु खः ।

न्हिनसिया १ताः इलय् तक्क मदुम्ह ताम्राकारया पार्थिव शरीर राष्ट्रिय नाचघरय् तयाः वयां लिपा अन्त्येष्टिया नितिं लुतिइ यंकूगु खः ।

हृदयघातया हुनिं वंगु बिहिबाः ताम्राकार मदुगु खः ।

थुगु बुखँ नं ब्वनादिसँ 

म्येहालामि रमेश ताम्राकारया अन्त्येष्टि कन्हय्

 

Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.