fbpx

येँ महानगर दुनेया बसं आःनिसें बहनी १० बजेतक

येँ महानगर दुनेया बसं आःनिसें बहनी १० बजेतक अनिवार्यकथं यात्रुपिंत सेवा बीमालिगु जूगु दु ।

येँ महानगरपालिकाया आइतवाः च्वंगु प्यकवःगु नगरसभां सवारी तथा यातायात व्यवस्थापन ऐन, २०७५ स्वीकृत यागु खः ।

ऐन स्वीकृतनापं आः येँ महानगरदुनेया बसं बहनी १० बजेतक अनिवार्य कथं यात्रुतय्त सेवा बिइमाः ।

महानगरदुने रुटय् न्ह्याइगु सार्वजनिक सवारीं कार्तिकनिसें माघ मसान्ततक सुथसिया ५ बजेनिसें बहनि ९ बजेतक व ल्यं दनीगु महिनाय् सुथसिया ५ बजेनिसें बहनि १० बजेतक बस सेवा न्ह्याके माः ।

सार्वजनिक सवारी यात्रा याइपिं यात्रुं अनिवार्य टिकट कायेमाः, कागजी टिकटयात बिद्युतीय टिकटं बिस्थापन याये माःगु, बालबालिका, जेष्ठ नागरिक, अपाङ्गता जुपिं व्यक्तियात परिचय पत्रया आधारय् सहुलियत उपलब्ध यायेमाः ।

सार्वजनिक यातायातं तोकेयानातःगु थासय् जक यात्रु थकायेगु व क्वकायेगु, चालक व सहचालकयात पोशाक उपलब्ध यायेगु, यात्रुयात गुनासो प्वंकेगु व्यवस्था मिले यायेत, प्राथमिक उपचार सामाग्री, अग्नि नियन्त्रण उपकरण, फोहोर वाँछ्वयेगु थल अनिवार्य तयेमाःगु व्यवस्था याःगु दु ।

Leave a Reply

Your email address will not be published. Required fields are marked *