येँया स्वयम्भुया ज्ञानमाला भजन सतः मी नल ।

ने सं ११३८ पोहेलागा एकादशी । येँ

झीगु संवाददाता । येँया स्वयम्भुया ज्ञानमाला भजन सतः मी नल । थौं बहनी मी नःगु खँ स्वयम्भुया बुद्धाचार्य पुजारी पाखें नकतिनी झीगु डटकमनाप खँ ल्हायेगु झ्वलय् कनादीगु खः । मि च्याःगु गुलि बजे निसें अले गथे जुया च्यात धैगु बारे आधिकारिक रुपं छु सी मदूगु खँ धाःगु दु।

स्वयम्भु ज्ञानमालाया भजन सतः । भुखाय् ब्वये धुंकाः । किपाः रेखा शाक्य

न्हापां फोहर च्याःगु जुइ धकाः जक च्वंगु व लिपा उगु नित जाःगु छेँया क्वय्या तल्लां मी हे ह्वाना ह्वाना पिहाँ वयेवं सकलें स्थानीयवासीपिं मुनेगु ज्या जूगु खः । आः अनया स्थिति अझं मि स्याये मफयाच्वंगु व मि स्यायेया नितिं शसस्त्र गण, अार्मी , प्रहरी अथे हे स्थानीयवासी जाना कुतः यानाच्वंगु दु । दमकल नं निगः स्वंग थ्यने धुंकूगु जानकारी बिउगु दु । अथेहे लःया ट्या‌ंकरत नं थ्यंगु दु ।  ज्ञानमाला भजन सतलय् आपालं प्लाष्टिकया मेच, लः या जार व अन हे पसः तयाच्वंपिनिगु क्युरियो सामान त दूगु खँ धाःगु दु । पूवंक क्षतिया विवरण सी मदुनी ।

२०७२ सालया भुखाचं थुनावंगु उगु छेँया जिर्णोद्धार याये ल्यं हे दनिगु खः । भुखाचं ध्वस्त जुइधुंकूगु छेँया च्वयेया ब्वः थुना केवल भजनयाये जिइक जक उगु भजन सतःया छ्यलाबुला जुयाच्व‌ंगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.