येँया धुम्बाखेल बाघभैरव देगःया पुनःनिर्माणया ज्याये विवाद

११३८ अनलागा  अष्टमी/येँ

ऐतिहासिक लिसें पुरातात्विक महत्वं जाःगु येँया धुम्बाखेल बाघभैरब देगःया पुनःनिर्माणया ज्याः ओझेलय् लाःगु दु । थुगु देगः दयेकेगु नितिं येँ महानगरपालिकाया संस्कृति बिभागं थ्यंमथ्यं झिन्न्याःगु लख तकाःया बजेट फ्यानां आहना कन्ष्ट्रक्सन लिसें सम्झौता याःगु नं ताःई दयेधुंकुगु दु ।

किपाः राकेश खड्गी

थुगु देगः सम्पदा विभागया डिजाईन कथं दाचि आपाः लायेगु , लियाःपौ तयेगु , देगःया स्वंगुली खापाय् आकर्षक काष्ठकला दुगु सिँया खापा तयेगु , पेचकस तुंदाल लगायत थीथी ढंगं उगु देगःयात नेवाःपह व आकर्षक दयेकेगु योजना दु ।

देगः पुननिर्माण यायेत स्थापित समुदाय्या गुठियारत व स्थानीयबासित पुनः निर्माण यायेत सहमत जुगु दुसां उगु त्वाःया सु‌ं सुं ब्यक्तिपिन्सं धाःसा थःगु नीजि स्वार्थया नितिं देगःया पुनःनिर्माणया ज्याय् तारनंतार पंगः थनां वयाच्वंगु धकाः स्थापित समाजया कजि परिमल स्थापितं जानकारी बियादिगु दु ।

थुगु देगः दनेगु ज्याः निलाः स्वला न्ह्यःनिसें हे न्ह्याये माःगु खःसां धुम्बाखेल युवा क्लबया नायःया अनुपस्थितिइ उगु त्वाःबहा व उगु वडा लागाय् मच्वंम्हेसिगु नेतृत्वय् पूरातात्विक सम्पदा बिपरित दयेकेत्यनं धका भ्रम ब्वलंकुगुलीं  थुगु ज्याः न्ह्याये मफयाच्वंगु धकाः धुम्बाखेल मिसाः पुचःया नायः सुशिला प्रधान शाहीं जानकारी बियादिगु दु ।

किपाः राकेश खड्गी

अथेहे थुगु देगः दनेत वंगु बैशाख २७ गते स्वंगू पुचः , वडा व प्रदेश नं ३ या भौतिक योजना तथा पूर्वाधारमन्त्री केशब स्थापितया मू पाहाँसूई क्षमा पूजा तकं क्वचायेके धुंकुगु दु  धासा अनं लिपा येँ महानगरपालिकाया १५ वडाया वडाअध्यक्ष ईश्वरमान डंगोलंया कजिसूइ धुम्बाखेल मिसाः पुचः धुम्वाखेल युवा क्लब , व गुठियार  दथुइ अनुगमन पुचः निस्वंगु खः ।

अथे अनुगमन पुचः निस्वने धुंकूगु जुसां नं आः हाकनं सुं सुं मनूतयेसं भ्रम ब्वलंका व माईन्यूतया दुरुपयोग यानां त्वहः  मदुगु त्वहः तया बिवाद यागुलीं ज्याः न‌ं न्ह्याये मफुगु धकाः स्थानीयवासीं  धाःगु दु ।

किपाः राकेश खड्गी

अथेहे येँ महानगरपालिकाया वडा नं १५ या नायः ईश्वरमान डंगोलया धापू कथं देगः दनेगु ज्याझ्वः महानगरया केन्द्रिय ज्याझ्वः जुगू व उकि येँ महानगरपालिका वडा नं १५ समन्यवकारी भूमिका म्हितेगु धयादिल। अथेहे वय्कलं अनं च्वंपिं छुं ब्यक्तितयेत सम्पदा धैगु छु , नेवाःपह धैगु छुं धकाः थुइकेमागु तकं धयादिल ।

किपाः राकेश खड्गी

अथेहे धुम्बाखेल युवा क्लबया नायः सुमन शाहाीया धापू कथं थःपिं नं बाघभैरब मन्दिर पुनःनिर्माण यायेगु नितिं सहमति दुगु व थ्वः ज्या छुं ब्यक्तिया ब्यक्तिगत कारण व स्वार्थ दुगु कारणं ज्याःमन्ह्यागु व  थुगु ज्याय् क्लबं नं समन्यवकारी भुमिका म्हितुगु धयादिल । अथेहे वय्कलं क्लबं उठे याना तिका तःगु माईन्यूत दुरुपयोग जुगु तकं स्वीकार यानादिगु दु ।

ऐतिहासिक सांस्कृति सम्पदा सुयाःगु नं ब्यक्तिगत सम्पत्ति मखु थुकिया संरक्षण झी सकस्यां यायेमाः धाःसें स्थानीय , राज्यं व स्थानीय सरकारं थःगु नीजि स्वार्थया नितिं ज्याःमयाकेत पंग थनिपिं बिरोधि तयेत कानुन बमोजीम कारवाही यानां संस्कृति धरोहर संरक्षणया ज्याय् पला न्ह्याके माःगु  थाैंया हाथ्य खँ जुवंगु

दु ।

बुखँ व किपाः राकेश खड्गी 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.