यलय् चर्या नृत्य सम्बन्धि कार्यशाला गोष्ठी न्ह्यात

११३८ बछलाथ्व पारु/येँ

झीगु संवाददाता

नृत्य निर्देशक संघ नेपाल यल कचाया ग्वसालय् वंगु २०७५ बैशाख २ आइतबारनिसें यलय् चर्या नृत्य सम्बन्धि कार्यशाला गोष्ठी न्ह्याःगु दु ।
यलया अक्षेश्वर महाविहारय् न्ह्याःगु ६न्हुयंकं जुइगु गोष्ठीइ चर्या नृत्यकार प्रज्वलरत्न बज्राचार्यं चर्या नृत्य सम्वन्धि जानकारी बिया च्वनादीगु दु ।

थौंकन्हय् अमेरीकाय् च्वना वयाच्वनादीम्ह बज्राचार्यं गोष्ठीया ब्वतिमिपिन्त चर्या नृत्य सम्बन्धि सैद्धान्तिक अले व्यवहारीक पक्षया बारे जानकारी बियाच्वनादीगु दु । बज्राचार्यं थौंकन्हय् अमेरीकाय् च्वनाः चर्या नृत्य यायेगुया लिसें प्रशिक्षण नं बिया वयाच्वनादीगु दु । बज्राचार्यं थीथी देशय् चर्या प्याखं न्ह्यब्वया नं दीगु दु ।

गोष्ठीया शुरुवातय् यल कचाया नायः स्वजन रघुबंशीं चर्या नृत्य विषयस हे कार्यशाला गोष्ठी यायेमाःगु कारणया बारे कनादिगु खःसा संघया केन्द्रीय नायः भुवनदास श्रेष्ठं थुगु कथंया गोष्ठिपाखें नृत्यकारपिनिगु क्षमता व प्रतिभा बांलाका यंकेत ग्वाहालि जुइगुलिं मदिक्क हे थुकथंया ज्या जुयाच्वनेमाःगुलिइ बः बियादिल ।

अथे हे, केन्द्रीय न्वकू संजय शर्मा राजोपाध्यायं वइगु बैशाख १६ गतेया दिनय् अन्तर्राष्ट्रिय नृत्य दिवसया झ्वलय् यल कचां यलया नृत्यया श्रष्टापिनिगु हना ज्याझ्वः यायेत सुझाव बियादिल ।

गोष्ठी अाः वइगु बैशाख ७ गतेतक्क जुइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: