यलया कुमारी विधिवत रुपं प्रतिस्थापन

११३८ चिल्लाथ्व द्वतीया/यल

झीगु संवाददाता

यलया कुमारीयात विधिवत रुपं प्रतिस्थापनयाना थौं रत्नाकर महाविहारय् बिज्याकल ।

रत्नाकर महाविहारया दबली अासनय् बिज्यासें दर्शन बिइगु झ्वलय् कुमारी माजु । किपा रेखा शाक्य

थौं सुथनिसें पटको यलया छेँ कुमारी थापना यायेत विधिवतरुपं पुजा जूगु खः । वयांलिपा सनिलय् श्री कुमारीं सर्बसाधारणयात दर्शन ब्यूगु खः ।

पटकाे यलया छेँय् विधिवत रुपं कुमारी प्रतिस्थापनया पुजा सिधयेका कुन् बिज्याना च्वंगु । किपा रेखा शाक्य

थौं हे दकलय् न्हापां विधिवत कुमारीया रुपं सकल भक्तजनया देछा कयाबिज्यासें वसपोल कुमारीमाजुं सिन्ह नं तिकाबिज्यागु खः ।

हखबहाःया दबली सर्वसाधारणयात सिन्ह तिके धुंकाः । किपा रेखा शाक्य

अन लिपा वसपोलयात हखबहालय् च्वंगु कुमारी छेँ बिज्याकेया नितिं बाजं न्ह्यः न्ह्यः तया सकलें लँस्व वःगु खः ।

श्री कुमारी माजुयात कुमारी छेँय् बाज‌ंथाना लँस्व वयाच्वंगु । किपा रेखा शाक्य

रत्नाकर महाविहारया मू लुखाय्सं लसकुस याना वसपोलयात दबली तयातःगु आसनय् बिज्याकूगु खः । अन नं सकलसित दर्शन बिइगु ज्या जूगु खः ।

रत्नाकर महाविहारय् श्री कुमारी माजुयात लसकुस यानाच्वंगु । किपा रेखा शाक्य

छुं दिं न्ह्यः देवीभागवत, शाक्तप्रमोद व कुमारीतन्त्र थें ज्यागु शास्त्रया आधारय् मचाया जातःया ग्रह, नक्षत्र आदि सकतां स्वया चाकुपाटया निहिरा बज्राचार्ययात गुथि संस्थान व तलेजुया मूल पुजारीपिंन्सं ल्यःगु खः । आः कुमारी विधिवत रुपं उगु बहाःया कुमारी छेँय्स‌ं च्वना बिज्याइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.