fbpx

मिस्तय्त आत्मरक्षा तालिम बिल

ने सं ११३९ बछला थ्वः अष्टमी । येँ

येँया २० वडाय् च्वंगु न्हापांगु पलाः (नेवाः मिसा पुचः)या ग्वसालय् निन्हुयंकया चेतनामूलक आत्मरक्षा प्राविधिक तालिम म्हिगः क्वचाय्कूगु दु ।

पुचःया नायः शिला साय्मिया नायःसुइ जूगु मुँज्याय् तालिमया निंतिं ग्वाहालि यानादीम्ह प्रदेश नं. ३ या सभासद् मा. जीवन डंगोल मूपाहाँकथं

झाःगु खःसा पूर्व सांसद राज्यलक्ष्मी श्रेष्ठ विशेष पाहाँकथं झायादीगु खः ।

ज्याझ्वलय् मू प्रशिक्षक नेपाल आत्मरक्षा संघ ख्वपया न्वकु पद्मा खयरगोलीलिसें वय्कःयात ग्वाहालि यानादीपिं रोजिना लोहला, जयन्ती श्रेष्ठ व रविन्द्र श्रेष्ठयात सुभाय् पाै देछासें हंगु खः सा प्रशिक्षकपिन्त मूपाहाँ व विशेष पाहाँपाखें दसिपौ लःल्हाःगु खः ।


शान्ति निकुञ्ज मा.वि.या हलय् जूगु ज्याझ्वलय् नुगःखँ तयादिसें प्रधानाध्यापक राधेश्याम प्रधानं थज्याःगु भिंगु ज्याया निंतिं थःपिं न्ह्याबलें नं गुहालि यायेत व तत्पर दुगु खँ न्ह्यथनादिल ।

प्रशिक्षार्थीपाखें नुगःखँ तयादिसें कमलतारा तुलाधरं थुज्वःगु तालिम न्ह्याम्हेसित नं माःगु जूगुलिं सकसिनं थः काय्म्ह्याय्पिन्त थुगु प्रशिक्षणय् ब्वति कायेके हे माःगु व ई म्हो जूगुलिं थुकियात भचा ताःहाकः याय्त इनाप यानादिल ।

नेवाः सूचना केन्द्र

Leave a Reply

Your email address will not be published. Required fields are marked *