“मिसा बाखं गोष्ठी व अन्तरक्रिया”

११३८ गुँला थ्वः नवमी/यल

झीगु सम्वाददाता

थम्ह खनागु समाजया यथार्थ घटनाया चित्रण यानाः साहित्यया माध्यमं  न्ह्यब्वःयेत उमेरं जक मखु अनुभवं नं पोख्त यानाबिइफु धइगुया दसू कथं  “मिसा बाखं गोष्ठी व अन्तरक्रिया” ज्याझ्वः म्हिगः नेपालभाषा परिषद् या ग्वसालय् जुगु दु।

किपाः रेखा शाक्य

प्रा. सुवर्ण शाक्यया नायसुइ, न्ह्याःगु ज्याझ्वलय् मू पाहाँ कथं नेपाली साहित्य ख्यःया नां जाःम्ह मय्जु जलेश्वरी श्रेष्ठ झायादीगु खः । म्हिगःया उगु ज्याझ्वलय् थौ‌ंकन्हेया युवा लिसें अनुभवी साहित्यकारपिं रेवती राजभण्डारी मोतिलक्ष्मी शाक्य मनदेवी तण्डुकार निजिरोस न्याछ्योँ सरस्वती तुलाधर अमीरमैंया रंजित नःलि बज्राचार्य मीना बज्राचार्य रेणु श्रेष्ठ मिलन शाक्य यानाः मुक्कं १० म्ह मिसा साहित्यकारपिन्सं झीगु समाजया वर्तमान  यर्थाथ चित्रणयात थःगु बाखंया माध्यमं न्ह्यब्वःगु खः ।

किपाः रेखा शाक्य

सकसिगु बाखं न्यने धुंकाः मू पाहाँ मय्जु जलेश्वरीजुं थःगु ल्हाः नेपाली साहित्यय् जक न्ह्यानाच्वंगु व थुकथं न्हापांगु खुसिइ नेवाः साहित्यय् नं ब्वति काये खंगु लसताया खँ धयादिसें सकसिगु बाख‌ंयात कया समिक्षात्मक खँ न्ह्यब्वयादिल । अथेहे थःम्ह स्वयम नेवाः मिसा खयानं थः मस्तय्त इलय् हे नेवाः भाय् स्यने मखंगुयात कया आत्मआलोचना नं यानादिल ।

किपाः रेखा शाक्य

ज्याझ्वलय् नायः शाक्यजु व परिषद् या न्वकू नविन चित्रकारजुं नं नुगः खँ तयादिगु खःसा अथेहे न्यनामिपिं पाखें पुष्परत्न तुलाधर व निर्मल बज्राचार्यजुं बाख‌ंयात कयाः नुगः खँ तयादिगु खः ।

 

Share this...
Share on Facebook
Facebook
Tweet about this on Twitter
Twitter

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.