माेति पत्रकारिता सिरपाः कुमार रञ्जितयात- अन्य स्वम्ह नं सम्मानित

January 6, 2019 Rekha Shakya 0 Comments

ने सं ११३९ पाेहेलाथ्व पारु येँ

म्हिगः थिंलागाः आमै कुन्हु मोति पत्रकारिता सिरपाः लःल्हात ।

थ्यंमथ्यं स्वीदँ न्ह्यवःनिसें पत्रकारीता ख्यलय् ज्यासना वयाच्वनादीम्ह कुमार रञ्जितयात मोति पत्रकारिता सिरपाः लःल्हासे १० द्वः तका दां लःल्हाःगु दु ।

अथेहे साहित्यकार इश्वरी मैया श्रेष्ठ, पुष्प चित्रकार, गणेश राम लाछि स्वम्हसित नेपालभाषा ख्यलय् मदिक्क सेवायाना वयाच्वनादीगुलिं दोसल्लां न्ययेका हनापौ लःल्हागु खः ।

नरेन्द्र श्रेष्ठया नायःसुइ न्ह्याःगु उगु ज्याझ्वलय् मूपाहाँ कथं पम्फा भुसाल झायादीगु खःसा सिरपाः नीस्वनादीम्ह दाता उद्यमी मोति लाल शिल्पकारं लसकुस न्वचू तयादीगु खः ।

शोभा शाक्य, नरेश ताम्राकार, तिर्थ मान शाक्य, ऋषि प्रसाद श्रेष्ठ, इश्वरी मैया श्रेष्ठ, कुमार रञ्जितपिसं थःथःगु नुगः खँ तयादीगु खः । नुगः खँ तयेगु झ्वलय् सिकिमय् गुलि नेपालभाषा थकायेगु नितिं सरकारी स्तरं ज्या जुयाच्वंगु दु, तर नेपालय् न्ह्याम्ह हे सरकारय् वःसां उलि ज्यामजूगु खँय् कुंखिनादिसे, सरकारपाखें आदिवासी जनजाति तय्गु मातृभाषा प्रति आस्था तयामच्वंगु खँ मगाःमचाः नेवाः देय् दबूया नायः ताम्राकारं प्वंकादिल ।

पाहाँ कथं रामकृष्ण कर्माचार्य , विजय रत्न असं बरे, पुष्प राज राजकर्णिकार, राजा शाक्य, जुजुकाजी रञ्जित, शान्त राज शाक्य, जुलुम चित्रकार, सुवर्ण केशरी चित्रकार लगायत थीथी मिडियाया पत्रकारपिसं ब्वतिकयादीगु खः ।

नेवाः प्रेस दबू नेपाः केन्द्रिय समितिया ग्वसालय् मोति पत्रकारिता सिरपाः लःल्हाःगु खः ।

बुखँ नेवाः सूचना केन्द्र

किपा राजेन्द्र रञ्जित व कुमार रञ्जितया फेसबुक पाखें