मानकृष्णयात १ लख तका आर्थिक ग्वाहालि बीगु

११३८ चिल्लागा तृतीया/येँ/बिराजकाजी राजोपाध्याय

निवाः न्ह्यः न्ह्यःनिसें म्हं मफयाः वासः याकाच्वंम्ह नेवाःउडया कलाकार मानकृष्ण वावायात कलाकार मानकृष्ण वा वा आर्थिक ग्वाहालि पुचलं १ लख तका आर्थिक ग्वाहालि बीगु जूगु दु ।

वासः यायेगु नितिं आर्थिक समस्या जुयाच्वंम्ह कलाकार वा वा यात सोमबाः छगू ज्याझ्वः यासें पुचलं आर्थिक ग्वाहालि लःल्हायेत्यंगु खः । कलाकार लिसें कलाप्रेमीपिनिगु पाखें मुंगु आर्थिक ग्वाहालि वा वायात लःल्हायेत्यंगु खः ।

पुचलं फेसबुकपाखें ग्वाहालिया नितिं आव्हान यासें आर्थिक ग्वाहालि मुंकूगु खः । फेसबुकपाखें सार्वजनिक आव्हान यायेधुनेवं फेसबुक, फोन आदि पाखें स्वापू तयाः ग्वाहालिमिपिन्सं स्वइच्छां हे ग्वाहालि याःवःगु पुचःया कजि सुरेन्द्र तुलाधरं धयादिल ।

ज्याझ्वलय् हे आर्थिक ग्वाहालिमिपिनिगु नां व ग्वाहालि तका ल्याः नं सार्वजनिक यायेगु कजि तुलाधरं जानकारी बियादीगु दु ।

ग्वाहालि याये मंदुपिन्सं सोमबाः नेपाः ब्यांक्वेटय् जुइगु आर्थिक ग्वाहालि लःल्हायेगु ज्याझ्वलय् हे नं वयाः ग्वाहालि बी फइगु कजि तुलाधरं धयादीगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.