मण्डला आन्तरिक ब्याडमिन्टन प्रतियोगिता २०७५ न्ह्यात


कौलागा षष्ठी ११३८, येँ ।
झीगु सम्वाददाता

“मित्रता व सहिष्णुताया नितिं कासा” या नारा ज्वना चन्द्रागिरी नगरपालिका १५ या मण्डला ब्याडमिन्टन समूहया ग्वःसालय् मण्डला आन्तरिक ब्याडमिन्टन प्रतियोगिता २०७५ वंगु कार्तिक ११ निसें न्ह्याःगु दु ।

किपा ः शरण ज्यापु हरि

उमेरय् हदबन्दि मदुगु थुगु कासाय् कासामिपिनि ब्वति दुगु धेँधेँ बल्लालय् मुक्क ३२ म्ह कासामिपिन्स ब्वति काःगु दुसा फाइनल कासा कार्तिक १६ गते जुइगु संयोजक नापंं मण्डला ब्याडमिन्टन समुहया अध्यक्ष भाजु देवेन्द्र प्रधानं झीगु डट कम लिसेया खँल्हाबल्हाय् जानकारी बियादिगु खः ।

किपा ः शरण ज्यापु हरि

प्रधानया कथं थुगु ज्याभ्वःलय् थुगु भेगया उत्कृष्ट कासामिपिं राजकुमार पोखरेल व सविन श्रेष्ठ न ब्वति काःगु दु ।

कासामिपिनिगु मनोबल, शारिरीक चुस्तता व थःथःधैगु भावनायात ब्वलंकातयेत न्ह्याकुगु थुगु मण्डला आन्तरिक ब्याडमिन्टन प्रतियोगिता २०७५ य् उत्कृष्ट कासामिपिनित प्रमाणपत्र, ट्रफी नापं नगद पुरस्कारया व्यवस्था न यानातःगु दु ।

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.