मजिपाःया लाखे अाजु व झ्यालिंचिया ख्वाःपाः अासनय् बिज्यात


११३८ गुँला गाः एकादशी /येँ

झीगु सम्वाददाता

दँय्दसँ येँया नखःया आकर्षण कथं व येँयाःया  मू पात्र मध्ये छम्ह कथं नालातःम्ह मजिपाःया लाखे आजु (शान्त भैरव) व झ्यालिंचाया ख्वाःपाः थौं पिहाँ बिज्याना आसनय् विराजमान जुल ।

किपाः राजिव रंजित

यँया धुंकाः लाखे छेँय् हे दुगु  पिचाय् विराजमान जुइम्ह लाखे आजु व झ्यालिंचाया ख्वापायात थौं विधिपूर्वक पुजा याना आसनय् विज्याकागु जानकारी राजीव रंजितं झीगु डटकमया ब्यूगु खः ।

थथे थौंया पुजायात विधिवत रुपं न्यास लिकायेगु धाइ । आः कन्हे हे लाखेया ख्वाःपाःयात छायेपिइत पुँयाथाय् यंकीगु जूगु दु । अन लिपा दशमी कुन्हु ३ गते बुधबाः लाखेया ख्वाःपाः छायेपिइधु्ंकुगुयात हाकनं आसनय् विज्याकालि हाकनं न्यास पुजा याइ । अले एकादशी कुन्हु लाखेया ह्याउँगु सँ ख्वाःपाः नापं तया पुजा याइ । गुगु पुजा लाखे नायः व दुजःपिन्स बाहेक मेपिन्स स्वये मज्यू धाइ । उगु गोप्य पुजा धुंकाः तिनी सर्वसाधारणपिन्त पुजाया नितिं लुखा चालिइ ।  अथेहे  द्वादशी  उपाकुया न्हि कुन्हु निसें लाखे विधिवत रुपं लाखे छेँय् पिहाँ विज्याना उपाकू वनेगु लँपुइ जुया प्याखँ हूवइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.