मखां भपिइगुया छुं छुं फाइदा

११३८ सिल्लागा चह्रे/येँ

मखां भपिइगुया छुं छुं फाइदा

किपा रेखा शाक्य

मखां झीसँ अप्वः धयाथें रहर केँय् तया नयेगु याना वयाच्वना । अथे हे म्वसिप्वः चिइगु इलय् नं तःताजि मसलाया नापं थ्व नं दुथ्याका तःगु दइ । झी अजापिंन्सं न्हापांनिसें हे नये त्वनेगुलि बैज्ञानिकता कथं शरिरयात नीगु नसा कथं ई ब्यः स्वया नयेगु झीत स्यना वंगु जुल ।

अथेला झीसँ व हे म्वसिप्वः चायेका नयेबलय् नं मखां यइपुक नइ तर थुकिइं झीत म्हगलय् छु गुकथं फाइदा याइ धकाः धाःसा वात्तुवालेगु अप्वःसिया बानि मदयेफु । मखां झीगु शरीरया नितिं तसकं नी । थुकिइ प्रोटीन, क्याल्सियम, पोटासियम व सोडियम यक्व मात्राय् दइ । थ्व मखां सय ग्रामय् ३५० क्यालोरी दइ ।

  • मखांलय् एन्टीअक्सिडेन्ट दइ । थुकिं शरिरय् दुगु कोलेस्ट्रोलयात म्हो याना बिइ , गुकिं मुटु स्वस्थ जुइ ।
  • न्हियान्हिथं मखां ठीक मात्राय् नयेगु खःसा इन्सुलिनया स्तर सन्तुलित जुया चिनी ल्वय् नियन्त्रय वइ । थुकिया सेवनं चिनी ल्वय् जुइ मखु ।
  • थुकिं शरिरय् दूगु विषाक्त पदार्थयात पिने छ्वयेत गुहालि याइ ।
  • थुकिं जलास्यँया समस्या मजुइकेत गुहाली याइ ।
  • मखांलय् यक्व मात्राय् क्याल्सियम दइगु हुनिं झीगु म्हगःया क्वय्ँ बल्लाका तइ ।
  • मखां न्हियान्हिथं नयेगु बानी यात धाःसा क्वयँ्, जँ, झीगु सा सा व पुलिस्याःगु ल्वय् पाखें मुक्त जुइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.