‘भुखाय् लिपाया पुनर्निर्माण जिगु प्राथमिकता’– राजेश शाक्य

११३८ थिंलागा त्रयोदशी

येँ क्षेत्र नम्बर ८ (१)य् निर्वाचित प्रदेश सभा सदस्य राजेश शाक्यं भुखाय् लिपाया पुनर्निर्माण व भुखाचं पिडितपिनिगु पुनर्स्थापना हे थःगु प्राथमिकता जुइगु धयादीगु दु ।

झीगु.कमलिसे खँ ल्हासें प्रदेश सभा सदस्य शाक्यं भुखाचं क्षति जूगु मरुसतःलिसेंया सम्पदा पुनर्निर्माणय् थः न्ह्यज्यायेगु धयादिल ।

नापं भुखाचं पिडितपिनिगु लागिं सहुलियत ब्याजय् अःपुक बैंक त्यासा उपलब्ध याकेगु नितिं नं थम्हं पहल यायेगु शाक्यं धयादिल । उकिया नापं भुखाय् पिडितपिनिगु लागिं न्हूगु पुनर्स्थापनाया लागिं नं योजना दयेकेगु वय्‌कःया धापू खः ।

थःगु क्षेत्रया ट्राफिक व्यवस्थापनया योजनाया बारे खँ ल्हासें वय्‌कलं जामया समस्या समाधानया उपाय सडक विस्तार ख हे मखूगु धयादिल ।

आः थः निर्वाचन त्यायेधुंकाः दलीय प्रतिनिधि मखयधुंकूगु व सकल जनताया प्रतिनिधि जूगु धयादिल । थःत भोट मब्यूपिं मतदातां नं थःत सल्लाह सुझाव बियाः मार्गदर्शन यायेत व आर्थिक समृद्धिया यात्राय् सहकार्य यायेत शाक्यं इनाप यानादिल ।

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.