भिंतुना मोटरसाइकल र्‍यालि  येँ–गोर्खा–लमजुंग–बन्दिपुर जुया वंगु अाइतबाः येँ लिथ्यन

 

ने सं ११३९ कछला गाः द्वादशी ।

ने सं ११३९ न्हूदँया लसताय् नेवाः भोलन्टियर्स , नेपाःया गुहालिइ तथा नेपाल खड्गी सेवा समिती खड्गी समाज या समन्वयय् सिन्हः स्वां खलः , बसन्तपुरपाखें ग्वसाः ग्वःगु भिंतुना मोटरसाइकल र्‍यालि  येँ–गोर्खा–लमजुंग–बन्दिपुर जुया वंगु अाइतबाः येँ लिथ्यंगु दु ।

किपा शरण ज्यापु हरि

न्हूदँ नेपाल संवत ११३९ या भिंतुना इनेत स्वनिगलं पिने गाेर्खा लमजुंग व बन्दिपुर वनाः साेमबार बहनी लिथ्यन । उगु  भिंतुना मोटरसाइकल र्‍यालिइ बस प्राइभेट गाडी व माेटरसाइकल यानाः थ्यंमथ्यं २५० मनूतय्गु ब्वति दूगु खः ।

https://www.facebook.com/rajendra.manandhar.7906

उगु र्‍यालि वंगु शुक्रबार येँया बसन्तपुलिइ विधिवत रुपं हनेबहःपिनिगु पुचःपाखें  रिबन चाना उद्धघाटन याना न्ह्यागु खः ।

किपा शरण ज्यापु हरि

दकलय् न्हापां यलया बुबहाःलय् थ्यनेवं सकसितं खेँ सगं बिया लसकुस यासें सकसितं भिं यात्राया भिं कामना याःगु खः । अनलिपा पांगाय् थ्यंकाः हाकनं अनया स्थानीय पुचलं लसकुसलिसें खेँ सगं बिइगु ज्या क्वचाय्काः सकलें गाेर्खाया नितिं न्ह्याःगु खः ।

किपाः रेखा शाक्य

माेटरसाइकल र्‍यालिइ झाःपिं सकसितं अाँबुखैरनी थ्यनेवं अनया नेवाः देय् दबूया पुचलं तःजिक लसकुस याःगु खःसा अन हे छगू सांस्कृतिक ज्याझ्वः नं जुल । सांस्कृतिक ज्याझ्वः जुइ न्ह्यः विधिवत रुपं ग्वसाः खलः व समितिया स‌ंरक्षक मनोज नेवाः खड्गीजुं त्वाः देवाय् मत च्याकाः ज्याझ्वःया उलेज्या यानादिल ।

किपाः रेखा शाक्य

अथे हे मदुम्ह नेवाः न्ह्यलुवा व मानवअधिकारवादी नेता पद्मरत्न तुलाधरयात लुम‌काः अन छगू मिनेट मौन धारण न‌ याःगु खः ।

ज्याझ्वलय् अनया मेयर अाँबुखैरनी नेवाः पुचःया नायः विशिष्ट पाहाँ नेवाः देय् दबू ४ नं प्रदेशया उपाध्यक्ष शंकर नारायण श्रेष्ठ ग्वसाः खलःया संरक्षक मनाेज नेवाः खड्गी व माेटरसाइकल र्यालीया संयाेजक भाजु निरन श्रेष्ठजुया लिसें अन्य पाहाँपिन्सं थःथःगु नुगः खँ तयादिल । अथेहे अाेमकृष्ण श्रेष्ठजुं झीगु माैलिक सम्वत् नेपाल सम्बतया अाैचित्य व शंखधर साख्वाःया बारे जः ह्वलादिल ।

किपाः रेखा शाक्य

अन लिपा न्ह्याःगु र्याली गाेर्खाया पाेखरीथाेकय् थ्यंका दिपाः काःगु खः । गाेर्खाया नेवाः देय् दबूया पुचलं लसकुस याये धुंकाः येँया ग्वसा खलःपाखें बहनी सकसितं नेवाः भ्वय् नकूगु खः ।

अथेहे निन्हुया न्हि शनिबाः कुन्हु सकलें र्यालीया सहभागीपिन्त गाेर्खा दरबारया अवलाेकन याकेगु ज्या जुलसा अनलिपा पाेखरीथाेकय् हे हाकनं अाैपचारिक ज्याझ्वः जुल। गुकिइ अनया मेयरया लिसें थी थी खलः पुचःया लिसें सकलें हनेबहःपिं पाहाँपिनिगु उपस्थिती दूगु खः ।

किपाः रेखा शाक्य

ज्याझ्वलय् थःथःगु मन्तब्य तयेगु झ्वलय् अनया हनेबहःम्ह नेवाः देय् दबू गाेर्खा शाखाया नायः देवनारायण श्रेष्ठजुं नेवाःया गाैरव व पहिचान झीगु नेवाः भाय् खःया नं नेवाः भाय् नेवाः जाति व नेवाःया माैलिक संस्कार संस्कृतिया उचित संरक्षण यायेत थाकुया च्वंगु खँ न्ह्यथनादिल ।

किपाः रेखा शाक्य

अथेहे ग्वसाः खलःया संरक्षक भाजु मनाेज नेवाःजुं विगत २० दँ न्ह्यःनिसें नेपाःया राष्ट्रिय व मौलिक संवत् छ्यलेया नितिं प्रचारप्रसार यायेगुया लिसें स्वनिगलं पिने च्वनाच्वंपि नेवाःतय्त न्हूदँया भिंतुना बिइगु व येँया सांस्कृतिक ज्याझ्वः व अनया सांस्कृतिक ज्याझ्वःया अादान प्रदान यायेगु तातुना कथं ज्याझ्वःया ग्वसाः ग्वयागु बिचाः प्वंकादिल । ज्याझ्वःया लिपांगु इलय् मतिनाया चिं बिया थवंथवय् भाइचारा व अात्मियताया स्वापूयात क्वातुकेगु ज्या जुल ।

किपाः रेखा शाक्य
किपाः रेखा शाक्य

अथेहे ज्याझ्वःया निर्धारित ग्वसाः कथं लमजु‌ंगया पाउँदी बजारय् थ्यनेवं लमजु‌ंग नेवाः देय् दबू शाखाया नायः धर्मराज श्रेष्ठपाखें लसकुस याःगु खः । अनलिपा बेशीशहरया प्रगति त्वालय् सकसित खेँ सगं बिया नेवाः भ्वय् नकाः उगु दिंया ज्याझ्वःया क्वचायेकूगु खः ।

किपाः रेखा शाक्य
किपाः रेखा शाक्य

कन्हे कुन्हु अाइतबाः र्यालीया लिपांगु न्हि कुन्हु सुथय् लमजुंगया दरबारया अवलाेकन यायेगुया लिसें अनया स्थानीयपिन्सं सकसितं खेँसगं बिया लसकुस याःगु खः । लिसें अन लाखेया हुलाप्याखं क्यना मनाेरञ्जन याकूगु खःसा न्हिनय् हे हाकनं बेशीशहरया बजारय् अाैपचारिक ज्याझ्वःया लिसें सांस्कृतिक ज्याझ्वः जुगु खः । ज्याझ्वलय् लमजुंग शाखा नेवाः देय् दबूया नायः धर्मराज श्रेष्ठपाखें थःपिन्सं नेवाः भाय् व माैलिक संस्कृति थपु यायेत केन्द्रिय नेवाः देय् दबूनाप सहलह यासें वइगु दिनय् अझं थनया स्थानीयवासीतय्त नेवाः भाय्या लिसें संस्कार व संस्कृतियात म्वाका तयेगु नितिं लिपि व बाजंया नापं माःगु ज्याय् पलाः च्वन्ह्याकेगु बिचाः प्वंकादिल ।

किपाः रेखा शाक्यनापनापं लँपुइ लाःगु छेपेटार व सुन्दर बजारय् नं लसकुस याःगु खः ।  सकतां ज्याझ्वः सिधय्का बन्दिपुर बहनी थ्यंकाः दकलय् लिपांगु लसकुस कथं अनया कृष्ण प्रधानपाखें खेँ सगं बिया सकसितं येँ लिहाँ वनेगुया नितिं भिंतुना बिदार्इ ब्यूगु खः ।

थुगु र्यालीया झ्वलय् गाेर्खाया स्थानीय मिसा मस्तय्गु पुचलं कुटुम्ब ब्याण्डया धुनय् थःपिनिगु हुलाप्याखं धिमे बाजंया प्रदर्शन यात सा लमजुंगया स्थानीयया वासीपिन्सं नेवाः म्येय् प्याखं हूला व कथि प्याखं हुला क्यंगु खः ।

किपाः रेखा शाक्य

अथेहे येँ पाखें झाःपिं लाेकंह्वापिं म्ये हालामि कलाकार पवित्र कसाः भिम तुलाधर नील शाक्य व सुरेन्द्र तुलाधरया लिसें भिंतुना र्यालिइ ब्वति काःपिन्सं नं म्ये हालादिलसा ख्वताबजि पुचःया भाेगेन्द्र मानन्धरं भैरवया प्याखं रंजना सितिखु व सरिता डंगाेलपाखें बज्रयाेगिनी कुमारी हुलाप्याखं अथेहे मिस नेवाः अाइकन २०१८ या मय्जु दिया श्रेष्ठं या  नेवाः व गैर  नेवाः भाय्या  म्येय् प्याखं हुला दिल ।

किपाः रेखा शाक्य
किपाः रेखा शाक्य
किपाः रेखा शाक्य
किपाः रेखा शाक्य
किपाः रेखा शाक्य
किपाः रेखा शाक्य

किपाः रेखा शाक्यअथेहे ख्वताबजिया पुचःया दुजः  रुमन जाेशी  राेहनया लिसें  सहभागीपिन्सं नं मनाेरञ्जनात्मक ज्याझ्वलय् सहभागिता क्यंगु खः ।

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.