ब्राजिल नं अन्तिम १६ या लँपुइ

११३८ तछलाथ्व दशमी

विश्वकप २०१८ या झ्वलय् म्हिगः क्वचाःगु न्हापांगु कासाय् ब्राजिलं कोस्टारिकायात २–० गोल नकाः विश्वकप २०१८ या न्हापांगु कासा त्याःकुगु दु । कासाया ९० मिनेट तक बराबरी जुयाच्वंगु खसा ९०+१ औं मिनेतय् फिलिप कोन्टिन्हों न्हापांगु गोल थ्वागु खः । कासाया अन्तिम  ई ९०+७ औं मिनेटय् नेयमारं निगूगु गोल याःगु खः । थ्व कासा त्यासेंलिं ब्राजियाया नकआउट चरणय् वनेगु लँपु बन्द मजुल । नेयमार कासा क्वचाय् धुंकाः पलख भावुक जुया मैदानय् हे  फेतुना लसतां  ख्वःगु खः ।

किपा रियुटर्स

म्हिगःः हे क्वचाःगु निगूगु कासाय् नाइजेरियां आइसल्याण्डयात २–० गोलं बुकुगु दु । निगूलिं गोल ४९ औं व ७५ औं मिनेतय् नाइजेरियाया भेटरान कासामी अहमद मुसां थ्वाःगु खः । नाइजेरिया त्याना ग्रुप डी या कासा आः झन रोमाञ्चक लँपुइ थ्यंगु दु । नाइजेरिया, आइसल्याण्ड व अर्जेन्टिना मध्ये छम्ह नकआउटय् सु वनि अनुमान याये थाकुया वःगु दु ।

किपा रियुटर्स

अथेहे म्हिगः क्वचाःगु स्वंगूगु कासाय् स्वीट्जरल्याण्ड व सर्वियाया दथुइ जुगु कासाय् २–० गोलं स्वीट्जरल्याण्ड त्याःगु दु । सर्वियाया अलेक्जेडर मित्रोभिकं कासाय् न्यागूगु मिनेट गोल थ्वानाः दिपा तक अग्रता काःगु खसां दिपा लिपा ५२ औं मिनेटय् ग्रानिटं न्हापांगु गोल यात सा ९० औं मिनेटय् साकिनं गोल यासें स्वीट्जरल्याण्डया जित सुनिश्चित याःगु खः । विश्वकपया कासाय् थथे ल्यूने लाना नं त्यागु थ्व न्हापांगु कासा जुवंगु दु ।

किपा रियुटर्स

थौंया कासा बेल्जियम व ट्युनिसिया (५ः४५ ताःइलय्), दक्षिणकोरिया व मेक्सिको (८ः४५ ताःइलय्) व जर्मनी व स्वीडेन (११ः४५ ताःइलय्) दथुइ जुइ ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.