नवजागृति क्लब ब्याडमिन्टन धेँधेँबल्ला क्वचाल

येँ महानगरपालिकाया वडा नं. १५ डल्लुइ च्वंगु नव जागृति क्लबया ४० औं वार्षिक उत्सवया लसताय् नवजागृति क्लब ब्याडमिन्टन ग्रुपया ग्वसालय् ब्याडमिन्टन धेँधेँबल्ला क्वचाःगु दु ।

उगु कासाया समापन ज्याझ्वलय मू पाहाँ प्रतिनिधि सभाया दुजः नापं नेपाल ओलम्पिक कमिटिया नायः जीवनराम श्रेष्ठ जुयादीगु खः सा विशेष पाहाँकथं १५ वडाया नायः ईश्वरमान डंगोल, डल्लु आवास स्थानीय सहयोग समितिया नायः राजा शाक्य नापं क्लबया पदाधिकारीपिं व धेँधेँबल्लाय् सहभागी कासामि व स्वकुमि भाजु मय्जुपिनिगु बेजोड रुपं उपस्थिति दुगु खः । ज्याझ्वःया सभापतित्व धेँधेँबल्ला कासाया संयोजक भाजु रणेन्द्र मानन्धरं याःनादीगु खः ।

 

उगु धेँधेँबल्लाय् नविन्द्र मानन्धर, रिमोह महर्जन, नयन किरण मानन्धर, दिपक कुमार शाही, राजेश्वर मान श्रेष्ठ, स्वयम मानन्धर व शिविर शाक्यया पुचः ल्याः २ न्हाप लाय्त ताःलागु दु ।

अथे हे रमेश खड्गी, राजेश स्थापित, महेश शाक्य, श्रीजनराम श्रेष्ठ, रविलाल श्रेष्ठ, कविन्द्र राजमुमी, अर्वरत्न तुलाधरया पुचः ल्याः ३ ल्यू लाय्त ताःलागु दु ।

पुचः ल्या ४ या दिरेन्द्र कुमार शाही, गौतम शाक्य, सगुनबीर सिहं कंसाकार, गौरंग कंसाकार, बालकृष्ण श्रेष्ठ, मनराजा रंजित व गौतम तुलाधरया कासामि लियांल्यू लागु खः ।

उगु कासाय् रणेन्द्र मान्धर (ज्वाला), सुरेश शाक्य, रबि महर्जन, राजुराम श्रेष्ठ, महेश कुमार बज्राचार्य सुर्ज रंजित व रिदेश शाहीया पुचः ल्या १ प्यंगूगु थासय् लागु खः ।

उगु ज्याझ्वलय् न्हाप व ल्यू लापिं कासामिपिन्त जीवनराम श्रेष्ठ व इश्वरमान डंगोलं सिरपा लःल्हानादीगु खःसा स्वंगु व प्यंगु थासय् लापिं कासामिपिन्त राजा शाक्य व क्लवया नायः मधु सुधन मानन्धरं सिरपा लःल्हानादीगु खः ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.