fbpx

बैशाख २ गते बाेडे भुइसिन्ह जात्रा

वंगु बैशाख २ गते चौलागा आमै कुन्हु बोडेय् म्ये प्वाः खनेगु जात्राया लिसें थासंथाय्या द्यःखःया जात्रा जुल ।

किपाः रेखा शाक्य

सलंसः दँ निसें जुया वयाच्वंगु मे प्वाःखनेगु जात्रायात निरन्तरता बिइगु कथं बोडेयाम्ह हे ४६दँ दुम्ह बुद्धकृष्ण बाग श्रेष्ठं थःगु मे प्वाःखंकूगु खः । वय्कलं न्हापा नं २०६२ सालं निसें २०६५ साल तक त्वःमफिइक मे प्वाःखंकादिइगु खःसा थगुने २०७४ सालं नं वय्कलं हे मे प्वाःखंकादिइगु खः

न्हिनसिया २ ताइलय् अनया लाय्कूया उत्तरय् च्वंगु फलचा न्ह्यःने स्थानीय पःमाः, नाइके इत्यादिया पूजा आजा फयाः वय्कःयात मे प्वाःखंकूगु खः ।

किपा रेखा शाक्य

उलि ज्या क्वचायेकाः वय्कलं अनया रिति कथं पंया मिप्वाः च्याकातःगु भ्वय् ब्वहलय् तयाः देय् चाहिलादिइगु खः ।थुगुसि भ्वय् ब्वहलय् तयाः देय् चाहिलादिइगु झ्वलय् थिमिया बालकुमारी द्यःयाथाय् तकं वनाः दे चाहुले ज्या जुगु खः ।

किपाः रेखा शाक्य

स्थानीयया धापू कथं न्हापालिपा अथे वनेगु मयाः । दे चाहुला लिहाँ वया बोडेया महालक्ष्मी द्यःया द्यःगलय् थ्यंकाः द्यः साक्षाी तयाः उगु मुलु लिकायेवं जात्रा क्वचागु खः ।थौं हे अन सिन्हः जात्रा धकाः थी थी थासं हयातःगु थ्यंमथ्यं न्हगू च्यागू द्यः खः चाहिके हयाः बोडे हे दिके हःगु खः । न्हापा उगु जात्राय् अनया ३२ खः हयेमाःगु चलन दुसां आः गुलिखे खः महे धुंकूगु खँ स्थानीयबासीं धाःगु दु ।

Leave a Reply

Your email address will not be published. Required fields are marked *