बुदिं म्येया कभर म्ये कासा जुइगु

११३८ थिंलागा त्रयोदशी/येँ

सुरजबीर बज्राचार्यं हालातःगु बुदिंया भिन्तुना म्येया कभर म्ये कासा जुइगु जूगु दु ।

पेजथ्री बाःछिपौपाखें बज्राचार्ययागु बुदिं म्येयागु कभर म्ये हालेगु कासाया ग्वसाः ग्वयेत्यंगु खः । पेज थ्री बाःछि पतिं थौं येँय् पत्रकार सम्मेलन यानाः कासाया घोषणा याःगु खः ।

पत्रकार सम्मेलनय् न्वःवासें पेजथ्रीया सम्पादक दर्शनबीर शाक्य घोषणाया लिसें थौंनिसें हे कासा न्ह्याःगु व माघ ८ गतेतक्क म्ये दुतिनेफइगु धयादिल । कासाय् ब्वति कायेत बुदिंया भिन्तुना म्ये हालाः उकिया भिडियो दयेकाः उगु भिडियो फेसबुक वा यूट्युबय् अपलोड यानाःलि कासाया फेसबुक पेज https://www.facebook.com/Surajbir123 य् शेयर यायेमाःगु शाक्यं कनादिल ।

थःगु हे तजिलजि कथं थःगु हे मांभासं बुदिंया भिन्तुना देछायेगु परम्परा स्थापित यायेत हे म्ये दयेकागु धासें व हे अभियानयात व्यापकता बीगु झ्वलय् थुगु कासा जुइत्यंगु म्येहालामि सुरजबीर बज्राचार्यं धयादिल ।

माघ ८ या दुने दुतिनीगु बुदिंया भिन्तुना कभर म्ये मध्ये छम्ह बांलाःम्ह म्येहालामि ल्ययाः सिरपाः बीगु संगीतकार जुगल डंगोलं धयादिल । स्वम्ह वरिष्ठ संगीतकःमिपाखें त्याकामि ल्ययेगु डंगोलं जानकारी बियादिल ।

कासाया नितिं सिरपाःया प्रायोजक गोल्मा अनलाइन स्टोरया प्रवन्ध निर्देशक सुरेश मल्लं नेवाः ख्यःया उत्थानया नितिं थम्हं फक्व ग्वाहालि बिया हे च्वनेगु प्रतिवद्धता प्वंकादिल ।

कभर म्ये कासाया त्याकामियात सिरपाः कथं छगः एलईडि टिभि नं बीगु जूगु दुसा थःगु हे ओरिजिनल म्ये छपु रेकर्डिङ सितिकं यानाबीगु जूगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.