बुंग द्यःया रथ लगंख्यः थ्यंकाः याः न्यायेकल

 

११३८ बछलाथ्व दशमी/येँ

झीगु संवाददाता

म्हिगः मंगलबाः बुंगद्यः जात्राया न्यान्हु कुन्हुया रथजात्रा सालेगु झ्वलय् लगंख्यलय् थ्यंकाः मा सिमा छचाः चाःहिका याः न्याःकल ।
म्हिगः थैना बालकुमारीं द्यःसालाः चक्रबही टंगः इति त्वाः जुयाः लगंख्यः थ्यंकुगु खः ।

किपा-निभा डंगाेल

म्हिगः मां सिमा छचाः चाहिका याःन्यायेकूगु खःसां थौं बुधवाः जूगुलिं बौ बीमखु । थौं चान्हे बौ बिया कन्हे बसुवाः छोयलाभू याइ । कंस भुजायाः कुन्हु निचाः चाहिकी अले शनिवाः सुथय् मयजुपिसं रथ सालाः ईति त्वालय् प्यकालँय् रथ तयेहइ ।

किपा-रेखा शाक्य

वंगु बछलाथ्व पारु कुन्हु तःबहालं बुंगद्यःयात पुच्वःय् दयेकाः तःगु तःहाकगु रथय् विराजमान याका बिज्यागु खः । अन लिपा वंगु चाैथी कुन्हु न्हपांगु रथजात्रा पुच्वं गाबहाल थ्यंकुगु खःसा पंचमी कुन्हु पुच्वं मंगलय् अले षष्ठी कुन्हु मंगलं नुगलय् थ्यंकुगु खः । अन लिपा छन्हु सुलं तयाः म्हीगः नुगलं थैना तक थ्यंकुगु खः । व हे कथं म्हिगः थैनां निगुलिं रथयात साला लगंख्यः थ्यंकुगु खः ।

किपा-निभा डंगाेल

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

%d bloggers like this: