बिश्व युवा दक्षता दिवसया लसताय् सम्पदा दाैड

नेपालया पर्यटन विकासया नितिं डल्लु अावास स्थानीय सहयाेग समितिं बिश्व युवा दक्षता दिवसया लसताय् सम्पदा दाैड ज्याझ्वः यागु दु  । बिश्व सम्पदा क्षेत्रय् लागु स्वयम्भुया भुईख्यलं न्ह्याःगु उगु म्याराथन भिमसेनस्थान, काष्ठमण्डप, हनुमानढाेका, ईन्द्रचाेक, मच्छिन्द्र बहाल, असन, टेंगः, डल्लु, धिमेल्वह व स्वयम्भु गः चाहिलाः स्वयम्भु स्तुपाय् म्याराथन क्वचाःगु खः ।
विश्व युवा दक्षता दिवस लाका यागु उगु ज्याझ्वःया मूपाहाँ पुर्व प्रधानमन्त्री झलनाथ खनालं समाज व राष्ट्रया  हरेक विकासया निति युवापिं थःगु दक्षता छ्यले माःगु धयादील।

उगु ज्याझ्वलय् थीथी जिल्ला, डाेजाे व संस्थापाखें न्हाप, ल्यू, लियांल्यू लापिन्त मूपाहां पुर्वप्रधानमन्त्री झलनाथ खनालं मेडल व ट्रफी अले नेपाल अाेलम्पिक कमिटीया नायः नापं माननीय सांसद जिवनराम श्रेष्ठं प्रमाणपत्र लःल्हानादीगु खः ।

 

का.म.पा. १५ वडाया वडा अध्यक्ष ईश्वरमान डंगाेल व नेपाल अाेलम्पिक कमिटीया अध्यक्ष नापं माननीय सांसद जिवनराम श्रेष्ठं ज्याझ्वःया महत्वबारे कनादीगु खः।
नेपाःया प्राचिन पौराणिक सम्पदायात पहिचान सहित विश्व न्ह्यःने म्हसिकेगु उद्देश्य कथं समाज व राष्ट्र बिकासया नितिं टिम वर्क मदयेकं छु नं मजुइगु धयादीसें सामुहिक कथं ५ म्हेसिया छगू पुचः दयेकाः सम्पदा दौड प्रतियोगिता आयोजना यानाःगु डल्लु आवास स्थानीय सहयोग समितिया अध्यक्ष राजा शाक्यं जानकारी बियादील ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.