बसन्त ऋतुया च्यारिटि शो फागुण २६ गते

११३८ चिल्लागा द्वितीया/येँ

झीगु संवाददाता 

विश्वासया धकिं सालुइवं मनूतयगु जीवनय् धाकु फसं आपालं हिउपाः हयेयः । धाइ समाज, आशा व विश्वासया लिधँसाय् न्ह्यानाच्वनी, तर थ्व हे विश्वासया मत बुलुइवं समाजय् विकृति व विसंगतिं थाय् काइ अले जीवनय् बिचाः मयाः कथं न्हू न्हूगु कचिंगःया सामना यायेमालीगु ।

थ्व हे हसनायात ज्वनाः विश्वासं हे लाकमं च्वाकाः मन क्वतुंकाः म्वानाच्वंम्ह छम्ह मिसाया दुःख व वेदनाया बाखंयात संकिपाया मू विषय दयेकातःगु संकिपा खः बसन्त ऋतु ।

धुँदेय् प्रोडक्सन प्रा.लि.या ब्यानरय् दयेकूगु संकिपाया सम्पूर्ण ज्या क्वचायेधुंकूगुलिं थौं पत्रकार सम्मेलन यानाः संकिपाया निर्देशक व च्वमि पवन जोशीजुं वइगु चिल्लागा अष्टमी फागुण २६ गते जमःया राष्ट्रिय नाचघरय् निगू शो कथं सुथसिया ११ बजे व न्हिनसिया २ बजे न्हापांगु खुसिइ क्यने ज्या जुइत्यंगु खँ कनादिल ।

संकिपाय् कलाकार कथं किशोर चिपालु, अन्नु महर्जन, राजी किपू, शोभा महर्जन, लक्ष्मी कुमार महर्जन, सुशील श्रेष्ठ, लक्ष्मीकमल शाही, रुक्साना महर्जन, सुरेश महर्जन व सोनिका हेकां अभिनय यानादीगु दु ।

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.